rahul gandhi : 'राहुल गांधींच्या मोबाइलमध्ये असं काय आहे, ज्यामुळे ते तपासणीसाठी घाबरत आहेत?'

नवी दिल्लीः देशातील विरोधी पक्षांचे नेते, अधिकारी, न्यायाधीश, पत्रकार आणि सामाजिक कार्यकर्त्यांच्या हेरगिरी प्रकरणावर काँग्रेस नेते राहुल गांधी ( rahul gandhi ) यांनी संसदेबाहेर पत्रकार परिषद घेतली. हेरगिरीसाठी पेगाससचा ( Pegasus Issues ) उपयोग हा देशद्रोह आहे. सरकारने सुप्रीम कोर्ट, पत्रकार आणि माझी हेरगिरी केली आहे, असा आरोप राहुल गांधींनी केला. यावर भाजपने प्रत्युत्तर दिलं आहे. राहुल गांधींना हेरगिरी झाल्याचा संशय आहे, मग ते आपल्या फोनची फॉरेन्सिक तपासणी का करत नाही? असा सवाल करत भाजपने पटलवार केला आहे. त्यांच्या फोनमध्ये असं काय आहे? जे ते लवपत आहेत? असेही प्रश्न भाजप प्रवक्ते संबित पात्रा यांनी केले. करोना संसर्गावर चर्चा संसदेत चर्चा होऊ न देणं हा देशद्रोह आहे, असा हल्लाबोल पात्रा यांनी काँग्रेसवर केला.

देशातील संपूर्ण विरोधी पक्ष इथं उभा आहे. प्रत्येक पक्षाचे नेते इथं आहेत. आम्हाला आज इथे येण्याची वेळ का आली? कारण आमचा आवाज दडपण्याचा प्रयत्न केला जातोय. आमचा एकच प्रश्न आहे, भारत सरकारने पेगाससची खरेदी केली का? सरकारने आपल्याच लोकांविरोधात पेगासस हत्याराचा उपयोग केला का? हो कींवा नाही? यातच आम्हाला उत्तर हवं आहे, अशी मागणी राहुल गांधींनी केली.

'राहुल गांधींनी आपला फोन तपासून घ्यावा'

राहुल गांधींसह विरोधी पक्षातील सर्व नेते संसदेचं कामकाज सुरळीतपणे चालू देत नाहीए. संसदेत जनतेला करोनाच्या संसर्गावर चर्चा हवी आहे. पण विरोधी पक्षांना हे नका आहे. आपल्या फोनमध्ये हत्यार आहे, असं राहुल गांधी म्हणाले. त्यांनी या प्रकरणी पोलिसात जाऊन तक्रार केली पाहिजे. ते का आपल्या फोनची फॉरेन्सिक तपासणी का करत नाहीत? त्यांच्या मोबाइलमध्ये असं काय आहे, ज्यामुळे ते तपासणीसाठी घाबरत आहेत? तुमच्या, माझ्या मोबाइलमध्ये हत्यार असते तर आपण घरी निवांत बसलो असतो का? अजिबात नाही, असं म्हणत संबित पात्रा यांनी राहुल गांधी सर्व आरोप खोडून काढले आणि त्यांच्यावर पलटवार केला.

१० खासदारांवर निलंबनाची टांगती तलवार? पेगासस प्रकरणी लोकसभा अध्यक्षांच्या दिशेने कागदपत्रे भिरकावली

'राहुल गांधींची हेरगिरी कोण करेल?'

काँग्रेस मूळ मुद्द्यांपासून लक्ष भरकटवण्याचा प्रयत्न करत आहे. राहुल गांधींची हेरगिरी कोण कशाला करेल? त्यांच्याकडून तर काँग्रेस पक्षही सांभाळला जात नाही. पेगासस प्रकरणावर केंद्रीय माहिती तंत्रज्ञानमंत्री अश्विनी वैष्णव लोकसभेत निवेदन देत होते. पण विरोधकांनी काय केलं? त्यांच्या हातातील कागदपत्रे हिसकावून ती फाडली. हे अतिशय असभ्य आणि बेजबाबदार वर्तन आहे. एक केंद्रीय मंत्री सभागृहात निवेदन देत असताना त्यांच्या हातून कागदपत्रे हिसकावून ती फाडण्यात आली. मग यालाच लोकशाही म्हणतात का? राहुल गांधी यांनी एकदा पंतप्रधान मनमोहन सिंग यांच्या हातातून ज्या प्रकारे कागदपत्रे फाडली होती, तसंच काहीसं त्यांच्या काही सहकाऱ्यांनी संसदेत केलं, असा टोला संबित पात्रा यांनी लगावला.

bharti arora ips : मीराबाईसारखं कृष्ण भक्तीत जीवन जगायचंय, IG महिला पोलिस अधिकाऱ्याने मागितली स्वेच्छा सेवानिवृत्ती