स्मृती इराणी यांचा अमेठीत राहुल गांधींना धोबीपछाड

नवी दिल्ली:

भाजप नेत्या आणि केंद्रीय मंत्री स्मृती इराणी यांनी काँग्रेस अध्यक्ष राहुल गांधी यांना त्यांच्या हक्काच्या मतदारसंघात धोबीपछाड दिले आहे. स्मृती ईराणी यांचा विजय जाहीर होण्याआधीच राहुल गांधी यांनी आपला पराभव स्वीकार केला. पत्रकार परिषदेत राहुल यांनी इराणींचं अभिनंदनही केलं.

मागील निवडणुकीत २०१४ मध्ये स्मृती इराणी यांना भाजपने पहिल्यांदा अमेठीतून निवडणुकीच्या रिंगणात उतरवले होते. तेव्हा त्यांचा एक लाखांहून अधिक मतांनी पराभव झाला होता. मात्र तरीही त्यांनी अमेठीत जनसंपर्क कायम ठेवला होता. परिणामी या निवडणुकीत त्यांनी राहुल गांधींचा पराभव केला.