नवी दिल्ली: काँग्रेस अध्यक्ष राहुल गांधींनी 'पीएम नरेंद्र मोदी' सिनेमा पाहिला तर त्यांना हा सिनेमा जरूर आवडेल. कारण ते देशभक्त आहेत, असं अभिनेता विवेक ओबेरॉय याने म्हटलं आहे.
लोकसभा निवडणुकीमुळे 'पीएम नरेंद्र मोदी' या सिनेमाच्या प्रदर्शनात अडथळे निर्माण झाले आहेत. अनेक पक्षांनी हा सिनेमा निवडणुकीनंतर प्रदर्शित करण्याची मागणी केली आहे. या पार्श्वभूमीवर पत्रकारांनी विचारलेल्या एका प्रश्नाला उत्तर देताना विवेक ओबेरॉय बोलत होता. 'पीएम नरेंद्र मोदी' या सिनेमापूर्वी प्रदर्शित झालेल्या इतर राजकीय सिनेमांना अनेकांनी पाठिंबा दिला. परंतु, आता माझ्या या चित्रपटाला विरोध केला जात आहे, असं सांगतानाच मी हा सिनेमा कधी प्रदर्शित करू शकेल? हे कोणी सांगू शकतं का? ही तर हुकूमशाही आहे. आपण लोकशाहीत राहतो. इथे तुमच्या बापाचं नाव चालत नाही, तर तुमचं काम चालतं, असंही त्याने सांगितलं.
'गांधी' या सिनेमावरही लोकांनी टीका केली होती. या सिनेमात वास्तवाचा विपर्यास केला गेल्याचं बोललं गेलं होतं. परंतु, मी हा सिनेमा भक्तांसाठी बनविलेला नाही, तर देशभक्तांसाठी बनविलेला आहे. लोकांचं काय? ते तर चूका शोधणारच ना? असंही तो म्हणाला. 'पीएम नरेंद्र मोदी' या सिनेमात विवेक ओबेरॉयने नरेंद्र मोदी यांची व्यक्तिरेखा साकारली आहे. सुरेश ओबेरॉय, आनंद पंडित, संदीप सिंह आणि आचार्य मनिष हे या चित्रपटाचे निर्माते आहेत.
लोकसभा निवडणुकीमुळे 'पीएम नरेंद्र मोदी' या सिनेमाच्या प्रदर्शनात अडथळे निर्माण झाले आहेत. अनेक पक्षांनी हा सिनेमा निवडणुकीनंतर प्रदर्शित करण्याची मागणी केली आहे. या पार्श्वभूमीवर पत्रकारांनी विचारलेल्या एका प्रश्नाला उत्तर देताना विवेक ओबेरॉय बोलत होता. 'पीएम नरेंद्र मोदी' या सिनेमापूर्वी प्रदर्शित झालेल्या इतर राजकीय सिनेमांना अनेकांनी पाठिंबा दिला. परंतु, आता माझ्या या चित्रपटाला विरोध केला जात आहे, असं सांगतानाच मी हा सिनेमा कधी प्रदर्शित करू शकेल? हे कोणी सांगू शकतं का? ही तर हुकूमशाही आहे. आपण लोकशाहीत राहतो. इथे तुमच्या बापाचं नाव चालत नाही, तर तुमचं काम चालतं, असंही त्याने सांगितलं.
'गांधी' या सिनेमावरही लोकांनी टीका केली होती. या सिनेमात वास्तवाचा विपर्यास केला गेल्याचं बोललं गेलं होतं. परंतु, मी हा सिनेमा भक्तांसाठी बनविलेला नाही, तर देशभक्तांसाठी बनविलेला आहे. लोकांचं काय? ते तर चूका शोधणारच ना? असंही तो म्हणाला. 'पीएम नरेंद्र मोदी' या सिनेमात विवेक ओबेरॉयने नरेंद्र मोदी यांची व्यक्तिरेखा साकारली आहे. सुरेश ओबेरॉय, आनंद पंडित, संदीप सिंह आणि आचार्य मनिष हे या चित्रपटाचे निर्माते आहेत.