येत्या १६ डिसेंबर रोजी राहुल गांधी काँग्रेसच्या अध्यक्षपदी विराजमान होण्याची शक्यता वर्तविण्यात आली आहे. राहुल यांच्या निवडीची घोषणा आज, सोमवारी होणार असल्याचे सूत्रांकडून समजले. अध्यक्षपदासाठी उमेदवारी मागे घेण्याची तारीख सोमवार असली, तरी उमेदवारी अर्ज एकट्या राहुल यांनीच दाखल केला असल्याने त्यांची निवड निश्चित मानली जात आहे. त्यांना अनुकूल असलेली ८९ नामांकने दाखल झाली असून, निवडीच्या घोषणा काँग्रेसच्या केंद्रीय निवडणूक प्राधिकरणाचे अध्यक्ष मुलापल्ली रामचंद्रन, मधुसूदन मिस्री आणि भुवनेश्वर कालिया करतील. मात्र, राहुल यांना निवडीचे पत्र १६ डिसेंबर रोजी अध्यक्षा सोनिया गांधी आणि अन्य वरिष्ठ नेत्यांच्या उपस्थितीत दिले जाणार आहे. सोनिया गांधी आपल्या पदाची सूत्रे १६ तारखेस सकाळी ११ च्या सुमारास राहुल यांच्याकडे सुपूर्द करतील, असे समजते.
अध्यक्षपदी १६ डिसेंबरला विराजमान
येत्या १६ डिसेंबर रोजी राहुल गांधी काँग्रेसच्या अध्यक्षपदी विराजमान होण्याची शक्यता वर्तविण्यात आली आहे.
Maharashtra Times 11 Dec 2017, 3:39 am