Noru Cyclone : नोरू चक्रीवादळामुळे देशावर अस्मानी संकट, महाराष्ट्रासह २० राज्यांना रेड अलर्ट

Noru Cyclone Updates: नोरू चक्रीवादळामुळे देशातील काही राज्यांमध्ये मान्सून जोर धरणार असल्याची माहिती हवामान खात्याकडून देण्यात आली आहे. या पावसामुळे रब्बी पेरणी सुरू असलेल्या राज्यातील शेतकऱ्यांना दिलासा मिळेल, तर भाजीपाला आणि फुलांच्या लागवडीवर त्याचा विपरीत परिणाम होऊ शकतो.

Edited byरेणुका धायबर | महाराष्ट्र टाइम्स.कॉम 6 Oct 2022, 3:48 pm

नवी दिल्ली : देशातील अनेक राज्यांमध्ये दसऱ्याच्या दिवशी हलका पाऊस झाला. खरंतर, चीन समुद्रातील नोरू वादळामुळे बंगालच्या उपसागरात कमी दाबाचे क्षेत्र तयार झाले असून वादळी वारे वाहत आहेत. त्यामुळे आर्द्रता वाढल्याने पाऊस पडत आहे. हा पाऊस ऑक्टोबरच्या मध्यापर्यंत कायम राहण्याची शक्यता हवामान खात्याने वर्तवली आहे.

उत्तर प्रदेश आणि उत्तराखंडसाठी रेड आणि ऑरेंज अलर्ट

हवामान खात्यानुसार, पुढील काही दिवस उत्तर प्रदेश आणि उत्तराखंडच्या काही भागात पाऊस पडेल. उत्तर प्रदेश आणि उत्तराखंडसाठी ऑरेंज अलर्ट जारी केला आहे. ७-८ ऑक्टोबर रोजी उत्तराखंडमधील कुमाऊं आणि गढवाल भागात अतिमुसळधार पावसाची शक्यता व्यक्त करत रेड अलर्ट जारी करण्यात आला आहे. तर उत्तर प्रदेशात पुढील दोन ते तीन दिवसांसाठी ऑरेंज अलर्ट जारी करण्यात आला आहे. त्याचबरोबर मध्य प्रदेश, छत्तीसगड, ओडिशा, आंध्र प्रदेशमध्ये काही भागात मुसळधार पावसाची शक्यता आहे.

Weather Alert Maharashtra : राज्यात पुणे वगळता 'या' जिल्ह्यांना पावसाचा येलो अलर्ट, हवामान खात्याचा इशारा
२० राज्यांसाठी यलो अलर्ट

हवामान खात्याने देशातील २० राज्यांमध्ये पावसाबाबत यलो अलर्ट जारी केला आहे. म्हणजेच मेघगर्जनेसह जोरदार वाऱ्यासह हलका ते मध्यम पाऊस पडण्याची शक्यता आहे. ही राज्ये आहेत – उत्तर प्रदेश, बिहार, मध्य प्रदेश, झारखंड, पश्चिम बंगाल, ओडिशा, छत्तीसगड, महाराष्ट्र, तेलंगणा, पुद्दुचेरी, आंध्र प्रदेश, तामिळनाडू, केरळ, सिक्कीम, आसाम, मेघालय, नागालँड, मणिपूर, मिझोराम आणि त्रिपुरा.

Noru Cyclone : नोरू चक्रीवादळामुळे देशावर अस्मानी संकट, महाराष्ट्रासह २० राज्यांना रेड अलर्ट

महत्वाचे लेख