मित्रावरील कारवाईने दुखावले! ज्योतिरादित्य शिंदेंचा काँग्रेसवर वार, म्हणाले....

नवी दिल्लीः राजस्थानमधील सत्तासंघर्षात आज नाट्यमय घडामोडीत काँग्रेसने बंडखोर नेते सचिन पायलट यांच्यावर कारवाई केली. उपमुख्यमंत्री आणि प्रदेशाध्यक्ष पदावरून काँग्रेने सचिन पायलट यांची हकालपट्टी केली. यावरून आता सचिन पायलट यांचे मित्र आणि काँग्रेस सोडून भाजपमध्ये दाखल झालेले खासदार ज्योतिरादित्य शिंदे यांनी काँग्रेसवर वार केला आहे. काँग्रेसमध्ये क्षमतेला स्थान नाही. प्रत्येक राज्यात ही स्थिती आहे, असं ज्योतिरादित्य म्हणाले.

कमलनाथ यांच्यावर टीका

मध्य प्रदेशचे मुख्यमंत्री असताना कमलनाथ यांच्याकडे राज्यातील करोनाच्या स्थितीवर एक बैठक घेण्यासाठीही वेळ नव्हता. पण त्यांच्याकडे आयफा अवॉर्डसाठी इंदौरला जाण्यासाठी मात्र वेळ होता. २३ मार्चला एका सेनानीने (शिवराज सिंह चौहान) राज्याची सूत्रे आपल्या हाती घेतली. एकट्याने करोनाविरोधी लढाईचा सामना केला, असं म्हणत ज्योतिरादित्य शिंदेंनी काँग्रेसवर निशाणा साधला.

खुशखबर! करोनावर दोन स्वदेशी लसींची मानवी चाचणी सुरू, ICMR ने दिली ही माहिती

देशाच्या इतिहासात यंदा पहिल्यांदाच 'असा' स्वातंत्र्य दिन होणार साजरा, 'हे' आहे कारण

'...तर पायलट यांचं भाजपमध्ये स्वागत आहे'

पक्ष स्थापनेनंतर अनेकांनी भाजपमध्ये प्रवेश केलाय. यामुळे आज भाजप सर्वात मोठा राजकीय पक्ष झाला आहे. ज्यांना पक्षाची विचारधारा मान्य आहे आणि पक्षा येण्यास इच्छुक आहे त्यांचं आम्ही खुल्या दिल्याने स्वागत करू, असं केंद्रीय जलसंपदा मंत्री आणि राजस्थानमधील भाजपचे नेते गजेंद्र सिंह शेखावत म्हणाले.