'मुस्लिमांनीही राम मंदिराकरता निधी उभारण्यासाठी पुढे यायला हवं'

कोलकाताः आंतरराष्ट्रीय लेखिका आणि मूळच्या बांगलादेशच्या असलेल्या तस्लिमा नसरीन ( taslima nasreen ) या आपल्या वक्तव्यांमुळे नेहमीच चर्चेत असतात. आता अयोध्येतील राम मंदिर ( ram mandir donation ) निर्माणासंदर्भात केलेल्या वक्तव्याने त्या पुन्हा चर्चेत आल्या आहेत. अयोध्यामधील राम मंदिरासाठी विश्व हिंदू परिषदेच्या मोहिमेत अनेक मुस्लिम देणगी देत आहेत. मुस्लिमांनी मंदिराकरता निधी उभारण्यासाठी पुढे यायला हवं. मूळचे फैजाबादचे असलेल्या वसी हैदर आणि शाह बानो यांनी १२ हजार आणि ११ हजार रुपये देणगी दिली, असं ट्विट तस्लिमा यांनी केलंय. तर राम मंदिरासाठी नक्कीच आपण देणगी देऊ. मुस्लिमांनी देणगी दिली तर यामुळे हिंदू-मुस्लिम सौहार्द अधिक मजबूत होईल आणि हिंदूंशी त्यांचे संबंध दृढ होतील, असं इक्बाल अन्सारी म्हणालेत. तस्लिमा यांचं बहुतेकांनी कौतुक केलं आहे. पण मुस्लिमांकडून निधी गोळा केला जाऊ नये, असंही काहींनी म्हटलं आहे.

भारतातील बहुतेक हिंदूंना राम मंदिर बांधायचे आहे, त्यामुळे ते बांधले जावे. मुस्लिमांप्रमाणेच त्यांनाही पूर्ण धार्मिक आणि कट्टरपंथी होण्याचा हक्क आहे. तुम्ही हिंदू असल्यास धर्मनिरपेक्ष असलेच पाहिजे, याची आवश्यकता नाही. राम मंदिर बांधण्यात येत असल्याने मी शोकही करत नाही किंवा खूषही नाही. राम मंदिर बांधावं, अशी भारतातील बहुतेक हिंदूंची इच्छा आहे. यामुळे ते बांधले जावे, असं तस्लिमा नसरीन यापूर्वी म्हणाल्या होत्या.

'अयोध्येतील राम मंदिरासाठी आतापर्यंत १०० कोटींची देणगी'

सर्वोच्च न्यायालयाने अयोध्येतील राम मंदिरासंदर्भात महत्त्वपूर्ण निर्णय देताना मुस्लिमांना मशिदीच्या बांधकामासाठी पाच एकर जमीन देण्याच्या मुद्द्यावर तस्लिमा यांनी प्रश्न उपस्थित केला होता. सर्वोच्च न्यायालयाच्या निर्णयामुळे अयोध्येतील हिंदूंना २.७७ एकर जमीन देण्यात आली, तर मुस्लिमांना ५ एकर जमीन मिळाली! मुस्लिमांनाही २.७७ एकर जमीन देण्यात यावी, असं तस्लिमा म्हणाल्या होत्या.

ओवैसींबद्दल बोलताना भाजप खासदाराची जीभ घसरली

मी न्यायाधीश असते तर अयोध्येतील २.७७ एकर जमीन मी सरकारला दिली असती. तिथे आधुनिक शाळा बांधण्यासाठी. जिथे सर्व मुलांनी विनामूल्य शिक्षण घेता आले असते. याशिवाय अत्याधुनिक रुग्णालय बांधण्यासाठी पाच एकर जागा दिली असती. यामुळे तिथे रुग्णांवर मोफत उपचार करता आले असते, असं तस्लिमा नसरीन यांनी सांगितलं होतं.