रामरहीम तुरुंगात पिकवणार भाज्या

चंडीगड : बलात्कार प्रकरणी शिक्षा भोगत असलेल्या गुरमित रामरहीम याला तुरुंगात भाज्या पिकवण्याचे काम करावे लागणार आहे. त्याशिवाय त्याच्याकडे झाडे तोडण्याचे कामही देण्यात आले आहे. आठ तास काम केल्यावर त्याला वीस रुपये मजुरी मिळणार आहे. दोन महिला शिष्यांवर बलात्कार प्रकरणी ५० वर्षीय रामरहीम रोहतकमधील सुनारिया तुरुंगात शिक्षा भोगत आहे.

विशेष सीबीआय कोर्टाने रामरहीम याला २८ ऑगस्टला बलात्काराच्या दोन्ही प्रकरणांत प्रत्येकी दहा वर्षे अशी वीस वर्षांची शिक्षा सुनावली होती. रामरहीमच्या बराकीशेजारी जमिनीचा तुकडा आहे. त्यावर तो भाज्या पिकवण्याचे काम करणार आहे, असे हरियाणाचे पोलिस महासंचालक (तुरुंग) के. पी. सिंह यांनी मंगळवारी सांगितले.