'दलित' शब्द अपमानास्पद नाही: रामदास आठवले

नवी दिल्ली :

'दलित' शब्दाचा वापर करू नका, या मुंबई उच्च न्यायालयाने दिलेल्या निर्देशाविरोधात केंद्रीय सामाजिक न्यायमंत्री रामदास आठवले सर्वोच्च न्यायालयात दाद मागणार आहेत.

मुंबई हायकोर्टाच्या नागपूर खंडपीठाने एका सुनावणीदरम्यान हे निर्देश दिले होते. सरकारी कागदपत्रांतून दलित शब्द हटवण्याची मागणी करणारी ही जनहित याचिका पंकज मेश्राम यांनी दाखल केली होती. 'दलित' शब्दाचा वापर मीडियाने बंद करावा, असा आदेश केंद्रीय माहिती-प्रसारण मंत्रालयाने जारी करण्यावर विचार करण्याचे निर्देश न्यायालयाने दिले होते. यानंतर केंद्रीय माहिती प्रसारण मंत्रालयाने मीडियासाठी मार्गदर्शक तत्त्वे जारी करत दलित शब्दाचा वापर न करता त्याऐवजी शेड्युल्ड कास्ट असा शब्दप्रयोग करण्याच्या सूचना केल्या होत्या.

'दलित' हा शब्द अपमानास्पद नाही असं आठवलेंचं म्हणणं आहे. त्यामुळे हायकोर्टाच्या या निर्णयाविरोधात ते सर्वोच्च न्यायलयात दाद मागणार आहेत.