यूपीत विदेशी अल्पवयीन मुलीवर बलात्कार, पाकिस्तानी नागरिकाला अटक

मथुराः यूपीमध्ये विदेशी महिलेवर बलात्कार केल्याची घटना उघडकीस आली आहे. गेल्या ५ वर्षांपासून वृंदावनमध्ये एक विदेशी मुलगी तिच्या पालकांसमवेत राहते. तिच्यावर अत्याचार करण्यात आला. या घटनेतील आरोपी आनंद नावाची व्यक्ती आहे. ही व्यक्ती पाकिस्तानच्या कराचीतील असल्याचंही सांगण्यात येत आहे. सध्या आरोपी पोलिसांच्या ताब्यात आहे.

पीडित मुलगी ही गेल्या ५ वर्षांपासून आपल्या कुटुंबासोबत राहते. आरोपी आनंदने एका विदेशी मुलीवर बलात्कार केल्याचा आरोप आहे. पोलिसांनी त्याला ताब्यात घेतलं आहे. आत्तापर्यंत, त्याच्याबद्दल पूर्ण माहिती हाती आलेली नाही. पोलिस तपास करत आहेत. त्याचवेळी पीडित विदेशी तरुणीवर वैद्यकीय उपचार सुरू आहेत. मिळालेल्या माहितीनुसार, ही मुलगी युक्रेनची रहिवासी असून तीसुद्धा एक अल्पवयीन आहे.

चीनला चोख प्रत्युत्तर; SCO बैठकीत चिनी संरक्षणमंत्र्यांची भेट घेण्यास राजनाथ सिंहांचा नकार

लडाखमध्ये तणाव; अरुणाचल प्रदेशात चीन सीमेवर मोठ्या संख्येने जवानांची तैनाती

पर्यटक व्हिसावर राहतो आरोपी

मुलीचे आई-वडील इस्कॉन भक्त आहेत. तिच्या आई-वडिलांचा घटस्फोट झाला आहे. यानंतर मुलगी आपल्या वडिलांसोबत राहते. चैतन्य विहार येथे राहणाऱ्या आनंद नावाच्या व्यक्तीने मुलीवर तिच्या आईच्या घरीच तीन दिवस बलात्कार केला. आपल्यावर झालेल्या अत्याचाराची माहिती मुलीने वडिलांना दिली. पोलिसांनी तक्रार दाखल करून घेत आरोपीला अटक केली आहे. आनंद मूळचा पाकिस्तानचा आहे. वृंदावन मध्ये तो १६ वर्षापासून राहतो आणि भजन कीर्तन करत असतो. पर्यटन व्हिसावर तो भारतात राहतोय.