श्रीनगर : काश्मीर खोऱ्याच्या बहुतांश भागातील निर्बंध शनिवारी सकाळी हटविण्यात आले. रस्त्यावरील बॅरिकेड्स हटविण्यात आल्याने रस्त्यावर वर्दळ आणि वाहने दिसत असली, तरी बाजारपेठ मात्र बंदच होती.
काश्मीरमधील जनजीवन अद्याप पू्र्वपदावर आलेले नाही. शनिवारी सलग २७ व्या दिवशी नागरिकांचे दैनंदिन जीवन विस्कळित झाले होते. शाळा, बाजारपेठ बंद होत्या. सार्वजनिक वाहतूक व्यवस्थाही व्यवस्थित सुरू झालेली नाही. बहुतांश भागातील दूरध्वनी सेवा मात्र सुरू करण्यात आली असल्याचे अधिकाऱ्यांनी सांगितले.
'डोनर'चे पथक देणार भेट
नवी दिल्ली : नैऋत्य भारत विकास मंत्रालयाचे (डोनर) पथक जम्मू-काश्मीरसह लडाखला भेट देणार असून, तेथील स्थानिकांसाठी हस्तकला, बागकाम, फलोत्पादन, सेंद्रिय शेती, बांबू उद्योग यासारखे विविध उपक्रम आणि लघुद्योग सुरू करण्याबाबत सूचना देणार आहेत, असे केंद्रीय मंत्री जितेंद्रसिंह यांनी सांगितले. शनिवारी येथे झालेल्या अधिकाऱ्यांच्या बैठकीत ते बोलत होते. कलम ३७० हटविल्यामुळे जम्मू-काश्मीर आणि लडाख आता देशातील उर्वरीत भागाप्रमाणेच प्रगती करू शकेल, असा विश्वास त्यांनी व्यक्त केला.
मोदींसाठी भाजपचा 'सेवा सप्ताह'
जम्मू : पंतप्रधान नरेंद्र मोदी यांना दीर्घायुष्य आणि निरोगी जीवन लाभावे, यासाठी भारतीय जनता पक्षाच्या वतीने देशभरात १४ सप्टेंबर ते २० सप्टेंबर या काळात 'सेवा सप्ताह' साजरा केला जाणार आहे, अशी माहिती भाजपचे राष्ट्रीय उपाध्यक्ष अविनाशराय खन्ना यांनी शनिवारी दिली. त्रिकुटनगर येथे झालेल्या कार्यकर्त्यांच्या बैठकीत ते बोलत होते. 'पंतप्रधान नरेंद्र मोदी यांचा १७ सप्टेंबरला वाढदिवस आहे. या निमित्ताने त्यांना दीर्घायुष्य आणि निरोगी जीवन लाभावे, यासाठी पक्षाच्या वतीने देशभरात १४ सप्टेंबर ते २० सप्टेंबर या काळात 'सेवा सप्ताह' साजरा केला जाणार आहे. या अंतर्गत विविध उपक्रम राबविले जाणार असून, मोदींसाठी प्रार्थनाही केली जाणार आहे,' असे सिंह यांनी या वेळी सांगितले. 'सेवा सप्ताह' साजरा करण्यासाठी भाजपच्या वतीने चार सदस्यांची समिती तयार करण्यात आली असून, त्यामध्ये सिंह यांचाही समावेश आहे. नागरिकांना प्रत्यक्ष भेटून त्यांच्या समस्या सोडविण्यावर 'सेवा सप्ताहा'च्या काळात भर देण्यात येणार आहे.
काश्मीरमधील जनजीवन अद्याप पू्र्वपदावर आलेले नाही. शनिवारी सलग २७ व्या दिवशी नागरिकांचे दैनंदिन जीवन विस्कळित झाले होते. शाळा, बाजारपेठ बंद होत्या. सार्वजनिक वाहतूक व्यवस्थाही व्यवस्थित सुरू झालेली नाही. बहुतांश भागातील दूरध्वनी सेवा मात्र सुरू करण्यात आली असल्याचे अधिकाऱ्यांनी सांगितले.
'डोनर'चे पथक देणार भेट
नवी दिल्ली : नैऋत्य भारत विकास मंत्रालयाचे (डोनर) पथक जम्मू-काश्मीरसह लडाखला भेट देणार असून, तेथील स्थानिकांसाठी हस्तकला, बागकाम, फलोत्पादन, सेंद्रिय शेती, बांबू उद्योग यासारखे विविध उपक्रम आणि लघुद्योग सुरू करण्याबाबत सूचना देणार आहेत, असे केंद्रीय मंत्री जितेंद्रसिंह यांनी सांगितले. शनिवारी येथे झालेल्या अधिकाऱ्यांच्या बैठकीत ते बोलत होते. कलम ३७० हटविल्यामुळे जम्मू-काश्मीर आणि लडाख आता देशातील उर्वरीत भागाप्रमाणेच प्रगती करू शकेल, असा विश्वास त्यांनी व्यक्त केला.
मोदींसाठी भाजपचा 'सेवा सप्ताह'
जम्मू : पंतप्रधान नरेंद्र मोदी यांना दीर्घायुष्य आणि निरोगी जीवन लाभावे, यासाठी भारतीय जनता पक्षाच्या वतीने देशभरात १४ सप्टेंबर ते २० सप्टेंबर या काळात 'सेवा सप्ताह' साजरा केला जाणार आहे, अशी माहिती भाजपचे राष्ट्रीय उपाध्यक्ष अविनाशराय खन्ना यांनी शनिवारी दिली. त्रिकुटनगर येथे झालेल्या कार्यकर्त्यांच्या बैठकीत ते बोलत होते. 'पंतप्रधान नरेंद्र मोदी यांचा १७ सप्टेंबरला वाढदिवस आहे. या निमित्ताने त्यांना दीर्घायुष्य आणि निरोगी जीवन लाभावे, यासाठी पक्षाच्या वतीने देशभरात १४ सप्टेंबर ते २० सप्टेंबर या काळात 'सेवा सप्ताह' साजरा केला जाणार आहे. या अंतर्गत विविध उपक्रम राबविले जाणार असून, मोदींसाठी प्रार्थनाही केली जाणार आहे,' असे सिंह यांनी या वेळी सांगितले. 'सेवा सप्ताह' साजरा करण्यासाठी भाजपच्या वतीने चार सदस्यांची समिती तयार करण्यात आली असून, त्यामध्ये सिंह यांचाही समावेश आहे. नागरिकांना प्रत्यक्ष भेटून त्यांच्या समस्या सोडविण्यावर 'सेवा सप्ताहा'च्या काळात भर देण्यात येणार आहे.