पाटणा : बिहारमध्ये लोक जनशक्ती पक्षात सुरु असलेल्या अंतर्गत द्वंद्वात इतर पक्षांचंही लक्ष आहे. लोक जनशक्ती पक्षात काका विरुद्ध पुतण्या असा वाद उभा राहिलेला असतानाच जमुईचे खासदार चिराग पासवान यांना विरोधी राष्ट्रीय जनता दल आणि काँग्रेसकडून पाठिंबा जाहीर करण्यात आला आहे. दोन्ही पक्षांनी चिराग पासवान यांना महाआघाडीत सहभागी होण्याचंही आमंत्रण दिलंय. सोबतच, चिराग यांचे काका पशुपती कुमार पारस आणि लोकसभा अध्यक्ष ओम बिर्ला यांच्यावर चुकीची उदाहरणं समोर ठेवत असल्याचा आरोप या पक्षांनी केलाय.
लालू प्रसाद यादव यांच्या राष्ट्रीय जनता दलाचे ज्येष्ठ नेते वीरेंद्र (RJD MLA Bhai Virendra) यांनी चिराग पासवान यांना ऑफर दिलीय. 'तेजस्वी यादव आणि चिराग पासवान यांनी एकत्रित येऊन काम करावं, ही वेळेची गरज आहे. दोघंही तरुण आहेत. दोघं एकत्र आले तर त्याचा बिहारच्या राजकारणावर मोठा परिणाम दिसून येईल. चिराग पासवान यांनी केंद्रातील राजकारण पाहावं आणि तेजस्वी यादव यांनी बिहारचं', असं वीरेंद्र यांनी म्हटलंय. सोबतच, 'लोजपमध्ये कोणतीही फूट नाही. लोजपाचे समर्थक आजही रामविलास पासवान यांचा मुलगा चिराग पासवान यांच्यासोबतच आहे. ज्या लोकांनी पक्षाशी बंडखोरी केलीय ते लालसेपोटी निघून गेले आहेत. जनता नक्कीच त्यांना धडा शिकवेल'
'मी वाघाचा पुत्र'
'मी रामविलास पासवान या वाघाचा पुत्र आहे, आधीही लढलो होतो आणि पुढेही लढेन', असा निर्धार अनपेक्षित फुटीमुळे एकाकी पडलेल्या लोक जनशक्ती पक्षाचे नेते चिराग पासवान यांनी बुधवारी व्यक्त केला. काका पशुपती पारस यांनी पाच खासदारांच्या समर्थनाने लोजपावर ताबा मिळवून चिराग यांना पक्षाच्या अध्यक्षपदावरून हटविले, तर चिराग यांनी सर्व बंडखोरांची पक्षातून हकालपट्टी केली आहे.
लोजपावरील नियंत्रणाचा मुद्दा पक्ष सदस्यांच्या बहुमतावर आणि पक्षाच्या घटनेवर अवलंबून असेल, असे तज्ज्ञांचे म्हणणे आहे. त्यामुळे पक्षावरील वर्चस्वासाठी काका-पुतण्यामध्ये चाललेल्या रस्सीखेचीत लोजपाचे संविधान निर्णायक ठरणार आहे.
लालू प्रसाद यादव यांच्या राष्ट्रीय जनता दलाचे ज्येष्ठ नेते वीरेंद्र (RJD MLA Bhai Virendra) यांनी चिराग पासवान यांना ऑफर दिलीय. 'तेजस्वी यादव आणि चिराग पासवान यांनी एकत्रित येऊन काम करावं, ही वेळेची गरज आहे. दोघंही तरुण आहेत. दोघं एकत्र आले तर त्याचा बिहारच्या राजकारणावर मोठा परिणाम दिसून येईल. चिराग पासवान यांनी केंद्रातील राजकारण पाहावं आणि तेजस्वी यादव यांनी बिहारचं', असं वीरेंद्र यांनी म्हटलंय.
'मी वाघाचा पुत्र'
'मी रामविलास पासवान या वाघाचा पुत्र आहे, आधीही लढलो होतो आणि पुढेही लढेन', असा निर्धार अनपेक्षित फुटीमुळे एकाकी पडलेल्या लोक जनशक्ती पक्षाचे नेते चिराग पासवान यांनी बुधवारी व्यक्त केला. काका पशुपती पारस यांनी पाच खासदारांच्या समर्थनाने लोजपावर ताबा मिळवून चिराग यांना पक्षाच्या अध्यक्षपदावरून हटविले, तर चिराग यांनी सर्व बंडखोरांची पक्षातून हकालपट्टी केली आहे.
लोजपावरील नियंत्रणाचा मुद्दा पक्ष सदस्यांच्या बहुमतावर आणि पक्षाच्या घटनेवर अवलंबून असेल, असे तज्ज्ञांचे म्हणणे आहे. त्यामुळे पक्षावरील वर्चस्वासाठी काका-पुतण्यामध्ये चाललेल्या रस्सीखेचीत लोजपाचे संविधान निर्णायक ठरणार आहे.