​चोरांनी शाळेच्या फळ्यावर लिहिले आम्हाला पकडून दाखवा, धूम स्टाइल चोरीची चर्चा

भुवनेश्वर : चोरट्यांनी एका शाळेवरच हात साफ केला. चोरी करून ते थांबले नाहीत. तर आम्हाला पकडू दाखवा, असं आव्हान पोलिसांना दिलं आहे. ही घटना ओडिशातील नवरंगपूर जिल्ह्यातील आहे. यासध्या या चोरीच्या घटनेची जोरदार चर्चा आहे. फळ्यावर लिहून चोरांनी पोलिसांना दिलेल्या आव्हानाचे फोटो व्हायरल झाले आहेत.

चोरांनी शाळेत चोरी करून वर्गातील फळ्यावर 'धूम-४' असे लिहिले. आणि आम्हाला पकडून दाखवा, असे थेट आव्हान पोलिसांना दिले आहे. चोरीच्या या घटनेनंतर पोलिस सतर्क झाले आहेत. ही घटना नवरंगपूरमधील खाटीगमुडा येथील इंद्रावती हायस्कूलमध्ये घडली आहे.

चोरांनी इंद्रावती हायस्कूलमधून कम्प्युटर, झेरॉक्स मशीन, प्रिंटर आणि इतर मौल्यवान साहित्य चोरल्याचं समोर आलं आहे. चोरी करून चोरट्यांनी फळ्यावर पोलिसांना लिहिल्या निरोपाने सर्वांना धक्का बसला आहे. त्यांनी बॉलिवूडच्या 'धूम-४' चित्रपटाचा उल्लेख केला आहे. आम्ही परत येऊ. आम्हाला पडून दाखवा असे आव्हान त्यांनी पोलिसांना दिले आहे.

रिलेशनशीप तोडण्यास शिक्षिकेचा नकार, वारंवार धमक्या, बारावीच्या विद्यार्थ्याचं टोकाचं पाऊल

पोलिसांना आव्हान देत लिहिले मोबाइल नंबर

आम्हाला पकडून दाखवा, असं आव्हान पोलिसांना देत फळ्यावर काही मोबाइल क्रमांकही लिहिले आहेत. यापैकी एक नंबर हा शाळेतील शिक्षकाचा असल्याचे समोर आले. अशा प्रकारच्या चोरीची ही जिल्ह्यातील तिसरी घटना आहे.

शिक्षक की हैवान! पाच वर्षांच्या मुलाला बेशुद्ध होईपर्यंत लाथा- बुक्क्याने मारहाण; अमानुष कृत्य व्हिडिओत कैद