नवी दिल्ली:
काँग्रेस नेत्या प्रियांका गांधी यांचे पती रॉबर्ट वाड्रा यांना मनी लाँडरिंग प्रकरणी दिल्लीच्या पतियाळा हाऊस कोर्टानं दिलासा दिला आहे. कोर्टानं त्यांच्या अटकेला १६ फेब्रुवारीपर्यंत स्थगिती दिली. चौकशीदरम्यान सहकार्य करण्याचे आदेशही त्यांना दिले. ६ फेब्रुवारी रोजी वाड्रा ईडीकडून होणाऱ्या चौकशीला हजर राहतील, अशी माहिती त्यांचे वकील केटीएस तुलसी यांनी कोर्टात दिली. मीडिया रिपोर्ट्सनुसार, वाड्रा यांच्या अटकेला १६ फेब्रुवारीपर्यंत स्थगिती देण्यात आली आहे. मनी लाँडरिंगचं प्रकरण गंभीर असून, चौकशीत सहकार्य करावे, असे आदेशही कोर्टाने दिले आहेत. वाड्रा हे चौकशीदरम्यान सहकार्य करतील असं त्यांच्या वकिलांनी कोर्टात सांगितलं. वाड्रा यांचे निकटवर्तीय सुनील अरोराविरोधात ईडीनं मनी लाँडरिंग प्रकरणी गुन्हा नोंदवला आहे. या प्रकरणात अरोराच्या अटकेला कोर्टानं ६ फेब्रुवारीपर्यंत स्थगिती दिली आहे. हे मनी लाँडरिंग प्रकरण लंडनमधील १२, ब्रायनस्टन स्क्वेअरस्थित अंदाजे १७ कोटी रुपये किंमतीच्या एका मालमत्तेच्या खरेदीशी संबंधित आहे. वाड्रा हे या मालमत्तेचे मूळ मालक असल्याचा ईडीचा दावा आहे.
काँग्रेस नेत्या प्रियांका गांधी यांचे पती रॉबर्ट वाड्रा यांना मनी लाँडरिंग प्रकरणी दिल्लीच्या पतियाळा हाऊस कोर्टानं दिलासा दिला आहे. कोर्टानं त्यांच्या अटकेला १६ फेब्रुवारीपर्यंत स्थगिती दिली. चौकशीदरम्यान सहकार्य करण्याचे आदेशही त्यांना दिले. ६ फेब्रुवारी रोजी वाड्रा ईडीकडून होणाऱ्या चौकशीला हजर राहतील, अशी माहिती त्यांचे वकील केटीएस तुलसी यांनी कोर्टात दिली.