गुड न्यूज; तत्काळ तिकिटाचे टेन्शन खल्लास

नवी दिल्ली: अचानक प्रवास करावा लागणाऱ्या प्रवाशांची गैरसोय होऊ नये म्हणून रेल्वेने तत्काळ सेवा सुरू केली होती. मात्र दलालांमुळे तत्काळ तिकीट दोन मिनिटांतच संपून जात होते. हे लक्षात घेत आरपीएफने कडक धोरण अवलंबले आहे. त्यानुसार आता तत्काळ तिकिटं पटकन संपणार नसून अचानक प्रवास करणारे प्रवासी आता आरामात तिकीट बूक करू शकणार आहेत.

६० दलालांना केली अटक

रेल्वेने अवैध सॉफ्टवेअरचा पूर्ण सफाया करत एकूण ६० दलालांना अटक केली आहे. हे दलाल तत्काळमधून तिकीटं बुक करत असत. रेल्वेने केलेल्या या कारवाईनंतर आता प्रवाशांना मुबलक प्रमाणात तिकिटं उपलब्ध होणार आहेत. या कारवाईनंतर प्रवाशांना आता अनेक तासांनंतरही तिकिटं मिळू शकणार आहे. या पूर्वी तत्काळ तिकिटं केवळ दोन मिनिटांपर्यंतच मिळत होती.

दहशतवादी संघटनांशी संपर्क

अटक करण्यात आलेल्या कोलकत्यातील एका दलालाचा संपर्क बांगलादेशातील दहशतवादी संघटना जमात-उल-मुजाहिद्दीन असल्याचा संशय आहे. ई-तिकिट घोटाळ्याचा पर्दाफाश करण्यात आला असून याचा याचे संबंध दहशतवाद्यांशी असण्याची शक्यता असल्याचे जानेवारी महिन्यात रेल्वेच्या महासंचालकांनी सांगितले होते.

सॉफ्टवेअरच्या मदतीने तिकीट बुकींग कमी वेळेत

एएनएमएस, मॅक आणि जग्वारसारख्या अवैध सॉफ्टवेअर आयआरसीटीसीचे लॉगइन कॅप्चा, बुकिंग कॅप्चा आणि बँक ओटीपी बायपास करत असतात. खरे पाहता ग्राहकांना या सर्व प्रक्रियेतून जावे लागणार आहे. एका सर्वसामान्य ग्राहकांसाठी बुकिंग प्रक्रियेसाठी सुमारे २.५५ मिनिटे लागतात. मात्र, असा अशा सॉफ्टवेअरचा वापर करणारे ही प्रक्रिया १.४८ मिनिटांत पूर्ण करतात असे अधिकारी म्हणाला.

एजंट बुक करू शकणार नाहीत तत्काळ तिकीट

रेल्वे दलालांना तत्काळ तिकीट बुक करण्याची परवानगी देत नाही. गेल्या २ महिन्यांमध्ये आरपीएफने सुमारे ६० अवैध दलालांना पकडले आहे. याच सॉफ्टवेअरद्वारे ते तिकिटं बुक करत होते. याच कारणामुळे सर्वसामान्यांना तिकीट बुकींगमध्ये अडथळा येत होता.

सर्व सॉफ्टवेअर केले ब्लॉक

आता अवैध सॉफ्टवेअरच्या माध्यमातून एकही तिकीट बुक केले जात नाही. रेल्वेने कारवाईदरम्यान सॉफ्टवेअरच्या प्रमुख ऑपरेटर्सनाही पकडले आहे. या कारवाईदरम्यान हे सॉफ्टवेअर ब्लॉक करण्यात आली आहेत. ही सॉफ्टवेअर वर्षासा ५० ते १०० कोटी रुपयांचा व्यवसाय करत होती.