मटा ऑनलाइन वृत्त । कोल्लम
सहा वर्षांपासून सातत्यानं होणाऱ्या बलात्काराच्या छळातून सुटका करून घेण्यासाठी केरळमधील एका २३ वर्षीय तरुणीनं ५४ वर्षांच्या बलात्कारी साधूचं गुप्तांग कापून टाकल्याचं उघडकीस आलं आहे. जखमी साधूला त्रिवेंद्रम येथील रुग्णालयात दाखल करण्यात आलं असून त्याची प्रकृती चिंताजनक आहे.
श्रीहरी ऊर्फ गंगेशानंद असं या साधूचं नाव आहे. तो कोल्लम येथील पनमाना आश्रमाचा सदस्य आहे. पीडित तरुणीची आई गंगेशानंदची भक्त होती. तो नेहमी त्यांच्या घरी यायचा. संधी मिळेल, तेव्हा पीडित तरुणीवर बलात्कार करायचा. गेल्या सहा वर्षांपासून हे सगळं सुरू होतं. पीडित तरुणीच्या आईला या साऱ्याची कल्पना असूनही ती गप्प होती. त्यामुळं एकाकी पडलेल्या त्या तरुणीनं स्वत:च यातून सुटका करून घेण्याचं ठरवलं.
नेहमीप्रमाणे शुक्रवारी गंगेशानंद त्यांच्या घरी आला. हा नराधम पुन्हा आपल्यावर अत्याचार करणार याची कल्पना असलेल्या या तरुणीनं आधीच चाकू जवळ ठेवला होता. साधूनं बलात्काराचा प्रयत्न करताच तिनं त्याच्यावर प्रतिहल्ला चढवला आणि त्याचं गुप्तांग कापून टाकलं.
तरुणीने स्वत: पोलिसांना फोन करून या घटनेची माहिती दिली. स्वसंरक्षणासाठी मी हे पाऊल उचललं असल्याचं तिनं पोलिसांना सांगितलं. 'एक साधू माझ्यावर बलात्कार करत असल्याचं मी सांगितलं असतं तर कुणीच विश्वास ठेवला नसता. त्यामुळं हे पाऊल उचलण्याशिवाय माझ्याकडं दुसरा पर्याय नव्हता', असं तिनं म्हटलं आहे. पोलिसांनी गंगेशानंदविरोधात बलात्काराचा गुन्हा दाखल केला आहे. पीडित तरुणीवर अत्याचार सुरू झाला, तेव्हा ती अल्पवयीन होती. त्यामुळं बाल लैंगिक अत्याचार प्रतिबंध कायद्यांतर्गतही (पोस्को) गुन्हा दाखल करण्यात आल्याचं पोलिसांनी सांगितलं.
Kerala: Girl chopped off genitals of inmate from Panmana Ashram in Kollam, who allegedly molested her for last 6 yrs. Police case registered pic.twitter.com/U9dhJjIASW — ANI (@ANI_news) May 20, 2017 केरळच्या मुख्यमंत्र्यांकडून तरुणीचं कौतुक
केरळचे मुख्यमंत्री पी. विजयन यांनी पीडित तरुणीच्या धाडसाचं कौतुक केलं आहे. संपूर्ण समाजानं या तरुणीच्या पाठिशी खंबीरपणे उभं राहणं गरजेचं असल्याचं त्यांनी म्हटलं आहे.
It was a courageous step, no doubt about it:Kerala CM Pinarayi Vijayan on girl who chopped off genitals of inmate from Panmana Ashram pic.twitter.com/67xqy3PDNB — ANI (@ANI_news) May 20, 2017 साधू म्हणतो, स्वत:च कापलं गुप्तांग
आरोपी गंगेशानंद यानं मात्र भलताच दावा केला आहे. मी स्वत:च माझं गुप्तांग कापल्याचं त्यानं म्हटलं आहे. 'शरीराचा तो भाग माझ्या काहीच कामाचा नव्हता. तो निरुपयोगी होता. त्यामुळं मी तो कापून टाकला,' असं त्यानं पोलिसांना सांगितल्याचं वृत्त 'आज तक'नं दिलं आहे.
सहा वर्षांपासून सातत्यानं होणाऱ्या बलात्काराच्या छळातून सुटका करून घेण्यासाठी केरळमधील एका २३ वर्षीय तरुणीनं ५४ वर्षांच्या बलात्कारी साधूचं गुप्तांग कापून टाकल्याचं उघडकीस आलं आहे. जखमी साधूला त्रिवेंद्रम येथील रुग्णालयात दाखल करण्यात आलं असून त्याची प्रकृती चिंताजनक आहे.
श्रीहरी ऊर्फ गंगेशानंद असं या साधूचं नाव आहे. तो कोल्लम येथील पनमाना आश्रमाचा सदस्य आहे. पीडित तरुणीची आई गंगेशानंदची भक्त होती. तो नेहमी त्यांच्या घरी यायचा. संधी मिळेल, तेव्हा पीडित तरुणीवर बलात्कार करायचा. गेल्या सहा वर्षांपासून हे सगळं सुरू होतं. पीडित तरुणीच्या आईला या साऱ्याची कल्पना असूनही ती गप्प होती. त्यामुळं एकाकी पडलेल्या त्या तरुणीनं स्वत:च यातून सुटका करून घेण्याचं ठरवलं.
नेहमीप्रमाणे शुक्रवारी गंगेशानंद त्यांच्या घरी आला. हा नराधम पुन्हा आपल्यावर अत्याचार करणार याची कल्पना असलेल्या या तरुणीनं आधीच चाकू जवळ ठेवला होता. साधूनं बलात्काराचा प्रयत्न करताच तिनं त्याच्यावर प्रतिहल्ला चढवला आणि त्याचं गुप्तांग कापून टाकलं.
तरुणीने स्वत: पोलिसांना फोन करून या घटनेची माहिती दिली. स्वसंरक्षणासाठी मी हे पाऊल उचललं असल्याचं तिनं पोलिसांना सांगितलं. 'एक साधू माझ्यावर बलात्कार करत असल्याचं मी सांगितलं असतं तर कुणीच विश्वास ठेवला नसता. त्यामुळं हे पाऊल उचलण्याशिवाय माझ्याकडं दुसरा पर्याय नव्हता', असं तिनं म्हटलं आहे. पोलिसांनी गंगेशानंदविरोधात बलात्काराचा गुन्हा दाखल केला आहे. पीडित तरुणीवर अत्याचार सुरू झाला, तेव्हा ती अल्पवयीन होती. त्यामुळं बाल लैंगिक अत्याचार प्रतिबंध कायद्यांतर्गतही (पोस्को) गुन्हा दाखल करण्यात आल्याचं पोलिसांनी सांगितलं.
Kerala: Girl chopped off genitals of inmate from Panmana Ashram in Kollam, who allegedly molested her for last 6 yrs. Police case registered pic.twitter.com/U9dhJjIASW — ANI (@ANI_news) May 20, 2017 केरळच्या मुख्यमंत्र्यांकडून तरुणीचं कौतुक
केरळचे मुख्यमंत्री पी. विजयन यांनी पीडित तरुणीच्या धाडसाचं कौतुक केलं आहे. संपूर्ण समाजानं या तरुणीच्या पाठिशी खंबीरपणे उभं राहणं गरजेचं असल्याचं त्यांनी म्हटलं आहे.
It was a courageous step, no doubt about it:Kerala CM Pinarayi Vijayan on girl who chopped off genitals of inmate from Panmana Ashram pic.twitter.com/67xqy3PDNB — ANI (@ANI_news) May 20, 2017 साधू म्हणतो, स्वत:च कापलं गुप्तांग
आरोपी गंगेशानंद यानं मात्र भलताच दावा केला आहे. मी स्वत:च माझं गुप्तांग कापल्याचं त्यानं म्हटलं आहे. 'शरीराचा तो भाग माझ्या काहीच कामाचा नव्हता. तो निरुपयोगी होता. त्यामुळं मी तो कापून टाकला,' असं त्यानं पोलिसांना सांगितल्याचं वृत्त 'आज तक'नं दिलं आहे.