मटा ऑनलाइन वृत्त । लखनऊ
उत्तर प्रदेशात भाजपला स्पष्ट बहुमत मिळणार हे जवळपास निश्चित झालं असून तिथं मुख्यमंत्रिपदाच्या नावाची चर्चा सुरू झाली आहे. 'भाजपनं उत्तर प्रदेशात दलित किंवा ओबीसी व्यक्तीला मुख्यमंत्री करावं,' अशी गुगली भाजपचे नेते, खासदार साक्षी महाराज यांनी टाकली आहे. त्यामुळं भाजप नेमका काय निर्णय घेणार, याकडं सर्वांचं लक्ष लागलं आहे.
उत्तर प्रदेशात निवडणुकीला सामोरं जाताना भाजपनं मुख्यमंत्रिपदाचा कोणताही चेहरा पुढं केला नव्हता. निवडणुकीनंतर भाजपचं संसदीय मंडळ याबाबतचा निर्णय घेईल, असं भाजपकडून सांगितलं जात होतं. आता सत्ता येत असल्यामुळं भाजपला याबाबत निर्णय घ्यावा लागणार आहे. त्यासाठी अनेक नावांची चर्चा असताना खासदार साक्षी महाराज यांनी यूपीतील जातीचं गणित मांडत दलित-ओबीसी कार्ड खेळलं आहे. यूपीमध्ये २० ते २२ टक्के दलित समाज आहे. २७ टक्के मागासवर्गीय आहेत, हे लक्षात घेता पक्षानं दलित किंवा ओबीसी व्यक्तीला मुख्यमंत्री करावं,' अशी अपेक्षा साक्षींनी व्यक्त केली आहे. भाजपवर सुरुवातीपासूनच उच्चवर्णीयांचा पक्ष असा शिक्का आहे. यूपीमध्ये ब्राह्मण समाजाचंही बरंच वर्चस्व असून हा समाज भाजपचा हक्काचा मतदार समजला जातो. त्यामुळं तिथं ब्राह्मण मुख्यमंत्री होईल, असेही आडाखे बांधले जात होते. मात्र, साक्षींनी दलित, ओबीसींचा पत्ता फेकून भाजपपुढं पेच निर्माण केला आहे. अशा स्थितीत भाजप काय करणार, हे पाहणं महत्त्वाचं ठरणार आहे.
संध्याकाळपर्यंत चेहरा ठरणार!
'उत्तर प्रदेशात मुख्यमंत्रिपदी कुणाला बसवायचे याचा निर्णय झालेला नाही. याबाबत संध्याकाळपर्यंत निर्णय घेण्यात येईल,' अशी माहिती भाजपचे प्रदेशाध्यक्ष केशवप्रसाद मौर्य यांनी दिली.
उत्तर प्रदेशात भाजपला स्पष्ट बहुमत मिळणार हे जवळपास निश्चित झालं असून तिथं मुख्यमंत्रिपदाच्या नावाची चर्चा सुरू झाली आहे. 'भाजपनं उत्तर प्रदेशात दलित किंवा ओबीसी व्यक्तीला मुख्यमंत्री करावं,' अशी गुगली भाजपचे नेते, खासदार साक्षी महाराज यांनी टाकली आहे. त्यामुळं भाजप नेमका काय निर्णय घेणार, याकडं सर्वांचं लक्ष लागलं आहे.
उत्तर प्रदेशात निवडणुकीला सामोरं जाताना भाजपनं मुख्यमंत्रिपदाचा कोणताही चेहरा पुढं केला नव्हता. निवडणुकीनंतर भाजपचं संसदीय मंडळ याबाबतचा निर्णय घेईल, असं भाजपकडून सांगितलं जात होतं. आता सत्ता येत असल्यामुळं भाजपला याबाबत निर्णय घ्यावा लागणार आहे. त्यासाठी अनेक नावांची चर्चा असताना खासदार साक्षी महाराज यांनी यूपीतील जातीचं गणित मांडत दलित-ओबीसी कार्ड खेळलं आहे. यूपीमध्ये २० ते २२ टक्के दलित समाज आहे. २७ टक्के मागासवर्गीय आहेत, हे लक्षात घेता पक्षानं दलित किंवा ओबीसी व्यक्तीला मुख्यमंत्री करावं,' अशी अपेक्षा साक्षींनी व्यक्त केली आहे. भाजपवर सुरुवातीपासूनच उच्चवर्णीयांचा पक्ष असा शिक्का आहे. यूपीमध्ये ब्राह्मण समाजाचंही बरंच वर्चस्व असून हा समाज भाजपचा हक्काचा मतदार समजला जातो. त्यामुळं तिथं ब्राह्मण मुख्यमंत्री होईल, असेही आडाखे बांधले जात होते. मात्र, साक्षींनी दलित, ओबीसींचा पत्ता फेकून भाजपपुढं पेच निर्माण केला आहे. अशा स्थितीत भाजप काय करणार, हे पाहणं महत्त्वाचं ठरणार आहे.
संध्याकाळपर्यंत चेहरा ठरणार!
'उत्तर प्रदेशात मुख्यमंत्रिपदी कुणाला बसवायचे याचा निर्णय झालेला नाही. याबाबत संध्याकाळपर्यंत निर्णय घेण्यात येईल,' अशी माहिती भाजपचे प्रदेशाध्यक्ष केशवप्रसाद मौर्य यांनी दिली.