मटा ऑनलाइन वृत्त । जोधपूर
'हिट अँड रन'ची टांगती तलवार अद्याप मानेवर असलेल्या अभिनेता सलमान खानला राजस्थान उच्च न्यायालयानं काळवीट व चिंकारा शिकार प्रकरणात मोठा दिलासा दिला आहे. शिकारीच्या दोन्ही आरोपातून न्यायालयानं आज सलमानची निर्दोष सुटका केली. त्यामुळं सलमानची तुरुंगवारी टळली आहे.
राजस्थानमधील जोधपूर येथे १९९८ साली 'हम साथ साथ है' या चित्रपटाच्या चित्रीकरणाच्या वेळी सलमाननं काळवीट व चिंकाराची शिकार केल्याचा आरोप त्याच्यावर होता. कनिष्ठ न्यायालयानं काळवीट प्रकरणात सलमानला एक वर्षाची तर, चिंकारा शिकार प्रकरणात ५ वर्षांची शिक्षा सुनावली होती. त्यामुळं सलमानला तुरुंगवारीही करावी लागली होती. जामिनावर सुटल्यानंतर त्यानं कनिष्ठ न्यायालयाच्या निर्णयाला उच्च न्यायालयात आव्हान दिले होतं.
सलमानच्या आव्हान याचिकेवर उच्च न्यायालयानं मे महिन्यातच सुनावणी पूर्ण केली होती. मात्र, निर्णय राखून ठेवला होता. तो आज देण्यात आला. सलमानच्या सुटकेच्या उच्च न्यायालयाच्या निर्णयाला राजस्थान सरकारकडून सर्वोच्च न्यायालयात आव्हान दिलं जाणार आहे.
'हिट अँड रन'ची टांगती तलवार अद्याप मानेवर असलेल्या अभिनेता सलमान खानला राजस्थान उच्च न्यायालयानं काळवीट व चिंकारा शिकार प्रकरणात मोठा दिलासा दिला आहे. शिकारीच्या दोन्ही आरोपातून न्यायालयानं आज सलमानची निर्दोष सुटका केली. त्यामुळं सलमानची तुरुंगवारी टळली आहे.
राजस्थानमधील जोधपूर येथे १९९८ साली 'हम साथ साथ है' या चित्रपटाच्या चित्रीकरणाच्या वेळी सलमाननं काळवीट व चिंकाराची शिकार केल्याचा आरोप त्याच्यावर होता. कनिष्ठ न्यायालयानं काळवीट प्रकरणात सलमानला एक वर्षाची तर, चिंकारा शिकार प्रकरणात ५ वर्षांची शिक्षा सुनावली होती. त्यामुळं सलमानला तुरुंगवारीही करावी लागली होती. जामिनावर सुटल्यानंतर त्यानं कनिष्ठ न्यायालयाच्या निर्णयाला उच्च न्यायालयात आव्हान दिले होतं.
सलमानच्या आव्हान याचिकेवर उच्च न्यायालयानं मे महिन्यातच सुनावणी पूर्ण केली होती. मात्र, निर्णय राखून ठेवला होता. तो आज देण्यात आला. सलमानच्या सुटकेच्या उच्च न्यायालयाच्या निर्णयाला राजस्थान सरकारकडून सर्वोच्च न्यायालयात आव्हान दिलं जाणार आहे.