पाटणा, बिहार : शाळेत शिकणाऱ्या ११ वर्षीय विद्यार्थिनीवर बलात्कार करणाऱ्या दोषी मुख्याध्यापक अरविंद कुमार याला पाटणा दिवाणी न्यायालयानं फाशीची शिक्षा सुनावली आहे. तर आणखीन एक दोषी आणि शाळेचा लिपिक (क्लर्क) अभिषेक याला जन्मठेपेची शिक्षा सुनावण्यात आली आहे. या दोघांवर शाळेतील ११ वर्षीय विद्यार्थिनीवर बलात्काराचा आरोप होता. मुख्याध्यापक अरविंद कुमार यानं मुलीवर बलात्कार केला होता. तर लिपिक अभिषेक यानं बलात्कारासाठी मदत केली होती. ११ वर्षांची मुलगी गर्भवती राहिल्यानंतर या घटनेचा खुलासा झाला होता. या प्रकरणात एफएसएल (Forensic Science Laboratory) रिपोर्ट पुरावा म्हणून अतिशय महत्त्वाचा ठरला. पीएमसीएचमध्ये पीडित मुलीचा गर्भपात झाला होता.
गर्भपातानंतर गर्भाचा अंश, पीडिता आणि दोषी शाळा संचालक अरविंद कुमार यांची डीएनए चाचणी करण्यात आली. यात अरविंद कुमार दोषी आढळला होता.
सप्टेंबर २०१८ मध्ये ही धक्कादायक आणि तितकाच लज्जास्पद घटना उघड झाली होती. फुलवारी शरीफच्या 'न्यू सेंट्रल पब्लिक स्कूल'मध्ये ही घटना घडली. मुलीनं आई-वडिलांजवळ पोटदुखीची तक्रार केल्यानंतर तिला तपासणीसाठी डॉक्टरांकडे नेण्यात आलं. डॉक्टरांनी तपासणी केल्यानंतर ही मुलगी गर्भवती असल्याचं समोर आलं होतं.
पीडित मुलगी इयत्ता पाचवीत शिकत होती. मुलीच्या कुटुंबीयांकडून पोलीस स्टेशनमध्ये तक्रार दाखल करण्यात आली. मुलीनं दिलेल्या माहितीनुसार, अरविंद कुमार यानं तिच्यावर आपल्या चेम्बरमध्ये बलात्कार केला होता. प्रकरणाचा खुलासा झाल्यानंतर अरविंद कुमार आणि लिपिक अभिषेक यांना अटक करण्यात आली होती.
पाटणा दिवाणी न्यायालयानं ही अत्यंत दुर्मिळ (रेअरेस्ट ऑफ द रेयर) घटना असल्याचं म्हटलंय. सोमवारी दोषी अरविंद याला फाशीची शिक्षा सुनावण्यात आली. तर बलात्कारात मदत करण्यासाठी दोषी लिपिक अभिषेक कुमार याला जन्मठेपेची शिक्षा सुनावण्यात आली. तसंच न्यायालयानं मख्याध्यापकाला एक लाख रुपयांचा आणि लिपिकाला पन्नास हजार रुपयांचा दंडही ठोठावला आहे.
गर्भपातानंतर गर्भाचा अंश, पीडिता आणि दोषी शाळा संचालक अरविंद कुमार यांची डीएनए चाचणी करण्यात आली. यात अरविंद कुमार दोषी आढळला होता.
सप्टेंबर २०१८ मध्ये ही धक्कादायक आणि तितकाच लज्जास्पद घटना उघड झाली होती. फुलवारी शरीफच्या 'न्यू सेंट्रल पब्लिक स्कूल'मध्ये ही घटना घडली. मुलीनं आई-वडिलांजवळ पोटदुखीची तक्रार केल्यानंतर तिला तपासणीसाठी डॉक्टरांकडे नेण्यात आलं. डॉक्टरांनी तपासणी केल्यानंतर ही मुलगी गर्भवती असल्याचं समोर आलं होतं.
पीडित मुलगी इयत्ता पाचवीत शिकत होती. मुलीच्या कुटुंबीयांकडून पोलीस स्टेशनमध्ये तक्रार दाखल करण्यात आली. मुलीनं दिलेल्या माहितीनुसार, अरविंद कुमार यानं तिच्यावर आपल्या चेम्बरमध्ये बलात्कार केला होता. प्रकरणाचा खुलासा झाल्यानंतर अरविंद कुमार आणि लिपिक अभिषेक यांना अटक करण्यात आली होती.
पाटणा दिवाणी न्यायालयानं ही अत्यंत दुर्मिळ (रेअरेस्ट ऑफ द रेयर) घटना असल्याचं म्हटलंय. सोमवारी दोषी अरविंद याला फाशीची शिक्षा सुनावण्यात आली. तर बलात्कारात मदत करण्यासाठी दोषी लिपिक अभिषेक कुमार याला जन्मठेपेची शिक्षा सुनावण्यात आली. तसंच न्यायालयानं मख्याध्यापकाला एक लाख रुपयांचा आणि लिपिकाला पन्नास हजार रुपयांचा दंडही ठोठावला आहे.