सर बघा ना कसं करताहेत! विद्यार्थी धावत टीचर रुममध्ये; शिक्षक वर्गात धावले; पाहतात तर...

अमरावती: दैनंदिन काम करत असताना हृदय विकाराचा झटका आल्यानं मृत्यू होत असल्याच्या घटना दिवसागणिक वाढत आहेत. आंध्र प्रदेशात शाळेच्या वर्गात शिकवत असताना एका शिक्षकाची हृदयक्रिया थांबल्यानं त्यांचा मृत्यू झाला. विद्यार्थ्यांसमोरच ही घटना घडली. शाळेत दररोज शिकवणाऱ्या शिक्षकांचा डोळ्यांदेखत मृत्यू झाल्यानं विद्यार्थी सुन्न झाले.

आंध्र प्रदेशच्या बापटला जिल्ह्यातील वेतापलेमच्या पालेम गावातील एका सरकारी प्राथमिक शाळेत ही घटना घडली. ४५ वर्षांच्या पी. वीरा बाबू यांचा वर्गात शिकवताना खुर्चीवर बसल्या बसल्या मृत्यू झाला. बाबू यांनी शिकवता शिकवता अस्वस्थ वाटू लागलं. समोर बसलेल्या विद्यार्थ्यांच्या ही बाब लक्षात आली. त्यांनी याची माहिती शाळेतील अन्य शिक्षकांना दिली.
लग्न तोंडावर, वधू पार्लरमध्ये; मेकओव्हरनं चेहरा काळवंडून सुजला; नवरदेव म्हणतो, मी तर...
शिक्षकांनी १०८ रुग्णवाहिकेला फोन केला. रुग्णालयातील आरोग्य कर्मचाऱ्यानं बाबू यांची नाडी तपासली. मात्र त्यांचा मृत्यू झाला होता. या घटनेमुळे शाळेत खळबळ माजली. काही मिनिटांपूर्वी व्यवस्थित शिकवत असलेले शिक्षक एकाएकी मृत्यूमुखी पडल्यानं विद्यार्थी स्तब्ध झाले. अनेक विद्यार्थ्यांना अश्रू अनावर झाले. वीरा बाबू दुसऱ्या गावात शिकवण्यात यायचे.

तेलंगणात गेल्या २ आठवड्यांपासून हृदयविकाराच्या घटना वाढल्या आहेत. २८ फेब्रुवारीला हैदराबादमध्ये बॅडमिंटन खेळताना एका व्यक्तीचा हृदयविकाराचा झटका आला. ३८ वर्षांचे शाम यादव संध्याकाळी ऑफिस आटोपून इंडोर स्टेडियममध्ये खेळायला गेले. बॅडमिंटन कोर्टवर ते एकाएकी कोसळले. त्यांचा मृत्यू झाला. २५ फेब्रुवारीला निर्मल जिल्ह्यात एका १९ वर्षीय तरुणाचा नातेवाईकाच्य लग्नात नाचता नाचता मृत्यू झाला.
भयंकर! वकिलानं पत्नीला ११ वर्षे खोलीत डांबलं; कुटुंबासोबतचा संपर्क तोडला; अखेर...
२२ फेब्रुवारीला हैदराबादच्या एका जिममध्ये व्यायाम करताना २४ वर्षांच्या पोलीस हवालदाराचा हृदयविकाराचा झटका आला. त्याआधी २० फेब्रुवारीला हैदराबादमध्ये नातेवाईकाच्या हळदीच्या कार्यक्रमात एक जण कोसळला. या व्यक्तीचा मृत्यू झाला.