पटना: बिहार हाजीपूरजवळ सहदेईजवळ सीमांचल एक्सप्रेसचे ९ डबे रुळावरून घसरले. या भीषण अपघातात ७ जणांचा मृत्यू झाला असून अनेक प्रवासी जखमी झाले आहेत. या अपघातातील मृतांचा आकडा वाढण्याची भिती व्यक्त केली जात आहे. रेल्वे अधिकारी घटनास्थळी दाखल झाले असून मदत आणि बचाव कार्य सुरू करण्यात आले आहे.
रेल्वेनं अपघातातील मृतांच्या नातेवाइकांना प्रत्येकी ५ लाख रुपये, गंभीर जखमींना १ लाख रुपये आणि किरकोळ जखमींना प्रत्येकी ५० हजार रुपये आर्थिक मदत जाहीर केली आहे. दरम्यान, प्रथमदर्शनी हा अपघात रेल्वे रुळाला तडा गेल्यानं झाल्याचं अधिकाऱ्यांंनी सांगितलं.
घटनास्थळी मदत आणि बचाव कार्य सुरू करण्यात आले असून एनडीआरएफची दोन पथके घटनास्थळी आहेत. रेल्वेची मेडिकल व्हॅन आणि डॉक्टरही घटनास्थळी दाखल झाले आहेत.
>> रेल्वेचे हेल्पलाइन नंबर
- सोनपूर ०६१५८२२१६४५
- हाजीपूर ०६२२४२७२२३०
- बरौनी ०६२७९२३२२२