dengue serotype 2 : डेंग्यूचा 'ताप' वाढला! महाराष्ट्र, यूपीसह ११ राज्यांना नव्या स्ट्रेनवरून केंद्राचा इशारा

नवी दिल्लीः अनेक राज्यांमध्ये मोठ्या संख्येत डेंग्यूचे रुग्ण वाढत आहेत. जवळपास ११ राज्यांमध्ये डेंग्यूच्या घातक स्ट्रेनचे रुग्ण समोर येत आहेत. यामुळे केंद्र सरकारने या राज्यांना सतर्कतेचा इशारा दिला आहे. तापाची प्रकरणं लवकर शोधणं, तापासंबंधी हेल्पलाईन्स सुरू करणं, टेस्ट किट, अळी नाशकं आणि औषधांचा पुरेसा साठा ठेवणं यासारखी पावलं उचलण्याच्या सूचना केंद्र सरकारने राज्यांना केल्या आहेत. तसंच करोना संसर्गाच्या पार्श्वभूमीवर उच्चस्तरीय बैठक घेण्यात आली. सणासुदीच्या काळात मोठी गर्दी होणार नाही याची दक्षता घ्यावी, असं या बैठकीत राज्यांना सांगण्यात आलं आहे.

सीरोटाइप -2 डेंग्यूशी संबंधित 'उभरते आव्हान' च्या जलद चाचणीसाठी टीम तैनात करावी. इतर रोगांपेक्षा अधिक गुंतागुंत असलेला हा एक प्रकारचा आजार आहे. तापासंबंधी सर्वेक्षण, कॉन्टॅक्ट ट्रेसिंग, रोगवाहकांवर नियंत्रण, रक्ताचा आणि रक्त घटकांचा पुरेसा साठा राखण्यासाठी रक्तपेढ्या तयार ठेवणं, विशेषत: प्लेटलेट्स यासारख्या आवश्यक बाबींवर तयारी करावी, अशी सूचना राज्यांना करण्यात आली.

ambika soni : पंजाबच्या मुख्यमंत्रीपदाची ऑफर का नाकारली? स्वतः अंबिका सोनींनी सांगितलं

महाराष्ट्र, गुजरात, आंध्र प्रदेश, कर्नाक, केरळ, मध्य प्रदेश, उत्तर प्रदेश, ओडिशा, राजस्थान, तामिळनाडू आणि तेलंगण या राज्यांमध्ये सीरोटाइप -2 डेंग्यूचे मोठ्या प्रमाणावर रुग्ण आढळून येत आहेत. यापूर्वी केंद्रीय आरोग्य मंत्रालयाने ऑगस्टमध्ये आणि १० सप्टेंबरला राज्यांना एक सूचना जारी केली होती.

punjab cm issues : पंजाबच्या मुख्यमंत्रीपदावरून पेच; सोनियांची ऑफर अबिंका सोनींनी नाकारली!, वि

आगामी सणांच्या पार्श्वभूमीवर राज्यांनी सर्व आवश्यक खबरदारी घ्यावी. गर्ही होणार नाही, यासाठी पावलं उचलावीत. तसेच, मॉल, बाजारपेठ आणि प्रार्थनास्थळांबाबत विद्यमान मार्गदर्शक तत्त्वांचं काटेकोरपणे पालन केलं पाहिजे आणि कोविड अनुकूल वर्तनाची खातरजमा केली पाहिजे, असं केंद्रीय आरोग्य मंलात्र्याने १५ राज्यांना जारी केलेल्या सूचनांमध्ये म्हटलं आहे.