मटा ऑनलाइन वृत्त । पाटणा
मुलीच्या अब्रूपेक्षा मताची अब्रू जास्त आहे, असं वादग्रस्त विधान संयुक्त जनता दलाचे नेते आणि राज्यसभा खासदार शरद यादव यांनी केल्यानं राजकीय वर्तुळात गहजब झाला आहे. पाटण्यात २४ तारखेला झालेल्या सभेत यादव यांनी ही मुक्ताफळं उधळली होती, त्याचा व्हिडिओ व्हायरल झाला आहे.
मताचं - मतपत्रिकेचं महत्त्व जनतेला पटवून देणं खूप गरजेचं आहे, असं मोलाचा सल्ला देताना शरद यादव यांनी जी तुलना केली, ती ऐकून सगळेच अचंबित झाले. मुलीची अब्रू गेली, तर फक्त गावाची-गल्लीची अब्रू जाईल, पण एकदा मत विकलं गेलं तर देशाची अब्रू जाईल, भविष्यातील स्वप्नांचा चक्काचूर होईल, असे तारे त्यांनी तोडले. त्यांच्या या वक्तव्यावर चौफेर टीका होत असून राष्ट्रीय महिला आयोगानंही निषेध नोंदवला आहे.
बघा, काय म्हणाले शरद यादव...
#WATCH: Senior JDU leader Sharad Yadav says "Beti ki izzat se vote ki izzat badi hai" in Patna (Jan 24th) pic.twitter.com/kvDxZpO2iZ — ANI (@ANI_news) January 25, 2017
मी काहीही चुकीचं बोललो नाही!
शरद यादव यांच्यावर सगळे तुटून पडले असतानाही, आपण काहीही चुकीचं बोललेलो नसल्याचं त्यांचं म्हणणं आहे. मुलीवर जसं प्रेम करता, तसंच प्रेम मतावरही करायला हवं तरच सरकार चांगलं मिळेल आणि देश चांगला घडेल, असा माझ्या म्हणण्याचा अर्थ होतो, असं त्यांनी नमूद केलं.
शरद यादवांची महिलाविरोधी विधानं
दरम्यान, महिलांबद्दल आक्षेपार्ह विधान करायची ही शरद यादवांची पहिली वेळ नाही. दक्षिण भारतीय महिलांबाबत केलेल्या विधानावरून त्यांच्यावर टीकेची झोड उठली होती. दक्षिण भारतीय स्त्रिया सावळ्या असतात, पण त्यांचं शरीर सुंदर असतं आणि नाचही उत्तम करतात, अशी टिप्पणी त्यांनी केली होती. तसंच, केंद्रीय मंत्री स्मृती इराणी यांना लक्ष्य करताना, तुम्ही कोण आहात हे मला माहीत आहे, असं वादग्रस्त विधान त्यांनी केलं होतं.
मुलीच्या अब्रूपेक्षा मताची अब्रू जास्त आहे, असं वादग्रस्त विधान संयुक्त जनता दलाचे नेते आणि राज्यसभा खासदार शरद यादव यांनी केल्यानं राजकीय वर्तुळात गहजब झाला आहे. पाटण्यात २४ तारखेला झालेल्या सभेत यादव यांनी ही मुक्ताफळं उधळली होती, त्याचा व्हिडिओ व्हायरल झाला आहे.
मताचं - मतपत्रिकेचं महत्त्व जनतेला पटवून देणं खूप गरजेचं आहे, असं मोलाचा सल्ला देताना शरद यादव यांनी जी तुलना केली, ती ऐकून सगळेच अचंबित झाले. मुलीची अब्रू गेली, तर फक्त गावाची-गल्लीची अब्रू जाईल, पण एकदा मत विकलं गेलं तर देशाची अब्रू जाईल, भविष्यातील स्वप्नांचा चक्काचूर होईल, असे तारे त्यांनी तोडले. त्यांच्या या वक्तव्यावर चौफेर टीका होत असून राष्ट्रीय महिला आयोगानंही निषेध नोंदवला आहे.
बघा, काय म्हणाले शरद यादव...
#WATCH: Senior JDU leader Sharad Yadav says "Beti ki izzat se vote ki izzat badi hai" in Patna (Jan 24th) pic.twitter.com/kvDxZpO2iZ — ANI (@ANI_news) January 25, 2017
मी काहीही चुकीचं बोललो नाही!
शरद यादव यांच्यावर सगळे तुटून पडले असतानाही, आपण काहीही चुकीचं बोललेलो नसल्याचं त्यांचं म्हणणं आहे. मुलीवर जसं प्रेम करता, तसंच प्रेम मतावरही करायला हवं तरच सरकार चांगलं मिळेल आणि देश चांगला घडेल, असा माझ्या म्हणण्याचा अर्थ होतो, असं त्यांनी नमूद केलं.
शरद यादवांची महिलाविरोधी विधानं
दरम्यान, महिलांबद्दल आक्षेपार्ह विधान करायची ही शरद यादवांची पहिली वेळ नाही. दक्षिण भारतीय महिलांबाबत केलेल्या विधानावरून त्यांच्यावर टीकेची झोड उठली होती. दक्षिण भारतीय स्त्रिया सावळ्या असतात, पण त्यांचं शरीर सुंदर असतं आणि नाचही उत्तम करतात, अशी टिप्पणी त्यांनी केली होती. तसंच, केंद्रीय मंत्री स्मृती इराणी यांना लक्ष्य करताना, तुम्ही कोण आहात हे मला माहीत आहे, असं वादग्रस्त विधान त्यांनी केलं होतं.