पणजी: पश्चिम बंगालच्या मुख्यमंत्री आणि तृणमूल काँग्रेस पक्षाच्या सर्वेसर्वा ममता बॅनर्जी यांनी गोवा विधानसभा निवडणुकीवर लक्ष केंद्रीत केलं आहे. ममता पुन्हा एकदा गोव्यात दाखल झाल्या असून या दौऱ्यात त्यांनी शरद पवार यांच्या राष्ट्रवादी काँग्रेस पक्षालाच मोठा धक्का दिला आहे. राष्ट्रवादीचा गोव्यातील एकमेव आमदार ममतांनी फोडला असून या आमदाराने स्वत:सह विधीमंडळ पक्षच तृणमूलमध्ये विलीन करण्याची खेळी खेळली आहे. या घडामोडीनंतर राष्ट्रवादी काँग्रेसनेही विधानसभा अध्यक्षांकडे धाव घेतली असून सदर आमदाराला अपात्र ठरवण्याची मागणी केली आहे. ( Sharad Pawar Vs Mamata Banerjee In Goa ) वाचा:दिल्लीत मोठ्या घडामोडी; शरद पवार सोनियांना भेटले, उद्धव ठाकरेंनाही...
गोव्याचे माजी मुख्यमंत्री आणि राष्ट्रवादी काँग्रेसचे आमदार चर्चिल आलेमाव यांनी सोमवारी ममता बॅनर्जी यांच्या उपस्थितीत तृणमूल काँग्रेसमध्ये प्रवेश केला. त्याचवेळी आपली आमदारकी टिकवण्यासाठी त्यांनी राजकीय डावपेच वापरला. विधानसभा अध्यक्ष राजेश पाटणेकर यांना पत्र देत त्यांनी गोव्यातील राष्ट्रवादी विधीमंडळ पक्ष तृणमूल काँग्रेसमध्ये विलीन करण्यात यावा, अशी विनंती त्यांनी केली. मी पक्षाचा एकमेव आमदार आहे. विधीमंडळ पक्षाचं शंभर टक्के प्रतिनिधीत्व मी करतो. त्यामुळेच हे विलीनीकरण वैध आहे, असा दावाही त्यांनी यावेळी केला. यावर आता राष्ट्रवादी काँग्रेसकडून आक्षेप घेण्यात आला आहे.
वाचा: संजय राऊतांचे आव्हान; म्हणाले, 'मी इथेच आहे, अटक करून दाखवा'
चर्चिल आलेमाव यांचे सदस्यत्व रद्द करण्यात यावे यासाठी राष्ट्रवादीने आज विधानसभाध्यक्षांकडे धाव घेतली. पक्षांतर विरोधी कायद्यावर बोट ठेवत राष्ट्रवादीचे गोवा प्रदेशाध्यक्ष जोस फिलिप डिसुझा यांनी पाटणेकर यांच्यासमोर याचिका दाखल केली. चर्चिल आलेमाव हे राष्ट्रवादी काँग्रेस पक्षाच्या तिकिटावर निवडणूक जिंकून विधानसभेत गेले आहेत. त्यामुळेच पक्षांतरविरोधी कायद्यानुसार त्यांच्यावर कारवाई केली जावी व त्यांचे सदस्यत्व तत्काळ रद्द करण्यात यावे, अशी मागणी राष्ट्रवादीकडून करण्यात आली आहे. यावर अध्यक्ष आता कोणता निर्णय देतात हे पाहणे औत्सुक्याचे ठरणार आहे.
दरम्यान, ममता बॅनर्जी या १ डिसेंबर रोजी मुंबई दौऱ्यात शरद पवार यांना भेटल्या होत्या. राष्ट्रीय राजकारणावर आणि विरोधी पक्षांच्या एकजुटीवर दोन्ही नेत्यांमध्ये चर्चा झाली होती. मुंबई दौऱ्यानंतर त्या गोव्यात पोहचल्या होत्या. आता दुसऱ्यांदा गोवा दौऱ्यावर येऊन त्यांनी पवारांच्या पक्षालाच धक्का दिल्याने गोव्याच्या राजकारणात खळबळ उडाली आहे.
वाचा:सुप्रिया सुळे यांचा NCBवर थेट हल्ला; महाराष्ट्र सरकार 'ते' खपवून घेणार नाही!
गोव्याचे माजी मुख्यमंत्री आणि राष्ट्रवादी काँग्रेसचे आमदार चर्चिल आलेमाव यांनी सोमवारी ममता बॅनर्जी यांच्या उपस्थितीत तृणमूल काँग्रेसमध्ये प्रवेश केला. त्याचवेळी आपली आमदारकी टिकवण्यासाठी त्यांनी राजकीय डावपेच वापरला. विधानसभा अध्यक्ष राजेश पाटणेकर यांना पत्र देत त्यांनी गोव्यातील राष्ट्रवादी विधीमंडळ पक्ष तृणमूल काँग्रेसमध्ये विलीन करण्यात यावा, अशी विनंती त्यांनी केली. मी पक्षाचा एकमेव आमदार आहे. विधीमंडळ पक्षाचं शंभर टक्के प्रतिनिधीत्व मी करतो. त्यामुळेच हे विलीनीकरण वैध आहे, असा दावाही त्यांनी यावेळी केला. यावर आता राष्ट्रवादी काँग्रेसकडून आक्षेप घेण्यात आला आहे.
वाचा: संजय राऊतांचे आव्हान; म्हणाले, 'मी इथेच आहे, अटक करून दाखवा'
चर्चिल आलेमाव यांचे सदस्यत्व रद्द करण्यात यावे यासाठी राष्ट्रवादीने आज विधानसभाध्यक्षांकडे धाव घेतली. पक्षांतर विरोधी कायद्यावर बोट ठेवत राष्ट्रवादीचे गोवा प्रदेशाध्यक्ष जोस फिलिप डिसुझा यांनी पाटणेकर यांच्यासमोर याचिका दाखल केली. चर्चिल आलेमाव हे राष्ट्रवादी काँग्रेस पक्षाच्या तिकिटावर निवडणूक जिंकून विधानसभेत गेले आहेत. त्यामुळेच पक्षांतरविरोधी कायद्यानुसार त्यांच्यावर कारवाई केली जावी व त्यांचे सदस्यत्व तत्काळ रद्द करण्यात यावे, अशी मागणी राष्ट्रवादीकडून करण्यात आली आहे. यावर अध्यक्ष आता कोणता निर्णय देतात हे पाहणे औत्सुक्याचे ठरणार आहे.
दरम्यान, ममता बॅनर्जी या १ डिसेंबर रोजी मुंबई दौऱ्यात शरद पवार यांना भेटल्या होत्या. राष्ट्रीय राजकारणावर आणि विरोधी पक्षांच्या एकजुटीवर दोन्ही नेत्यांमध्ये चर्चा झाली होती. मुंबई दौऱ्यानंतर त्या गोव्यात पोहचल्या होत्या. आता दुसऱ्यांदा गोवा दौऱ्यावर येऊन त्यांनी पवारांच्या पक्षालाच धक्का दिल्याने गोव्याच्या राजकारणात खळबळ उडाली आहे.
वाचा:सुप्रिया सुळे यांचा NCBवर थेट हल्ला; महाराष्ट्र सरकार 'ते' खपवून घेणार नाही!