sharad pawar : निलंबित खासदारांना मिळाली शरद पवारांची 'पावर', व्हिडिओ ट्विट करत पवार म्हणाले...

नवी दिल्ली : संसदेच्या सुरू असलेल्या हिवाळी अधिवेशनात राज्यसभेतील ( sharad pawar ) विरोधी पक्षांच्या १२ खासदारांना निलंबित करण्यात आलं. संसदेच्या गेल्या पावसाळी अधिवेशनात या खासदारांनी गदारोळ घातला होता. या १२ खासदारांमध्ये शिवसेना, काँग्रेससह इतर काही पक्षांच्या खासदारांचा समावेश आहे. आता आपल्या निलंबनाविरोधात निलंबित खासदारांचे संसदेच्या परिसरात गेल्या काही दिवसांपासून आंदोलन सुरू आहे.

आपले निलंबन मागे घ्यावे, यासाठी निलंबित खासदारांनी संसदेच्या परिसरातील महात्मा गांधीजींच्या पुतळ्याजवळ धरणे आंदोलन सुरू केलं आहे. आता धरणे आंदोलनाला बसलेल्या निलंबित खासदारांना पाठिंबा देण्यासाठी ( sharad pawar supports suspended 12 mps ) आज सकाळी राष्ट्रवादी काँग्रेसचे अध्यक्ष शरद पवार पोहोचले. शरद पवार यांनी काहीवेळ आंदोलनाच्या ठिकाणी बसून आंदोलक खासदारांचा हुरुप वाढवला. शरद पवारांसोबत यावेळी शिवसेनेचे खासदार संजय राऊत ( sanjay raut ) आणि राष्ट्रवादीचे नेते प्रफुल्ल पटेलही ( praful patel ) ही उपस्थित होते.
आंदोलनाचा व्हिडिओ केला ट्विट, पवार म्हणाले...

संसद परिसरातील आंदोलनाचा व्हिडिओ शरद पवारांनी आपल्या ट्विटर हँडलवरून पोस्ट केला. यासोबतच ट्विटमधून शरद पवारांनी आंदोलकांना पाठिंबा दिला आहे. संसदेच्या आवारात महात्मा गांधीजींच्या पुतळ्याजवळ निलंबित खासदारांचे धरणे आंदोलन सुरू आहे. राज्यसभेतून निलंबित केलेल्या १२ सहकारी खासदारांना आपण आज भेटलो. तसंच त्यांना आपला पाठिंबा दिला. या खासदारांचे निलंबन मागे घेण्यासाठी आम्ही एकजुटीने त्यांच्यासोबत उभे आहोत, असं शरद पवार ट्विटमध्ये म्हणाले.
obc reservation - supriya sule : ओबीसी आरक्षणावर राष्ट्रवादी आक्रमक; सुप्रिया सुळेंनी केंद्राकडे केली 'ही' मागणी

'खासदारांचे निलंबन लोकशाहीविरोधी'

राज्यसभेतील खासदारांचे निलंबन हे घटनाबाह्य आणि लोकशाही विरोधी आहे. संसदेच्या गेल्या पावसाळी अधिवेशानात त्यांनी गदारोळ केला होता. पण या हिवाळी अधिवेशनात त्यांना निलंबित केले गेले. खासदारांना नियम २५६ नुसार निलंबित केले जाऊ शकते. यामुळे संसदेच्या हिवाळी अधिवेशनाचं कामकाज विस्कळीत होण्यास सरकार जबाबदार आहे. आम्ही संसदेतील वाद दूर करण्यासाठी सभागृह नेते आणि सभापतींना भेटलो. त्यांच्याकडे आमचे म्हणणे मांडले, असे राज्यसभेतील विरोधी पक्षनेते आणि काँग्रेस नेते मल्लिकार्जुन खर्गे म्हणाले. खासदारांचे निलंबन मागे घ्यावे ही आमची मागणी असल्याचे खर्गे यांनी सांगितले.

संजय राऊत - काँग्रेस नेत्याचा 'हा' फोटो होतोय व्हायरल, काय आहे विषय?