Mahavir Jayanti: चुकीच्या फोटोमुळं थरूर ट्रोल

नवी दिल्ली

ट्विटरवरून महावीर जयंतीच्या शुभेच्छा देताना चुकीचा चुकीचा शेअर केल्याने काँग्रेस नेते शशी थरूर यांना ट्रोल व्हावे लागले. आज महावीर जयंती आहे. परंतु, शशी थरूर यांनी भगवान महावीर यांच्या फोटोऐवजी चुकून तथागत गौतम बुद्धांचा फोटो ट्विटरवर शेअर केला आणि त्यांना ट्रोलर्सचा सामना करावा लागला.

शशी थरूर यांनी ट्विटर अकाउंटवर हॅप्पी महावीर जयंती असं ट्विट केले. ट्विटसोबतच त्यांनी एक फोटो शेअर केला. थरूर यांनी हे ट्विट केल्यानंतर काही युजर्सनी फोटो चुकीचा असल्याचं त्यांच्या निदर्शनास आणून दिलं. थरूर यांनी तात्काळ ही चूक मान्य केली व आपण एका मीडिया संस्थेचा फोटो शेअर केला, असा खुलासा केला. मात्र, तोपर्यंत ट्रोलर्सनी संधी साधली होती.

शशी थरूर हे याआधीही ट्रोल झाले आहेत. थरूर यांनी एकदा हिंदीत ट्विट केल्यानंतर बऱ्याच युजर्सनी त्यांना फैलावर घेतले होते तर काहींनी त्यांची स्तुती केली होती.