shiv sena : खासदारांच्या निलंबनावरून शिवसेनेचा सरकारवर बाण; म्हणाली, '१०० वेळा ...'

नवी दिल्ली : राज्यसभेतील १२ खासदारांच्या निलंबनावरून विरोधक आक्रमक आहे. संसदेच्या दोन्ही सभागृहांमध्ये निलंबनाच्या मुद्द्यावरून विरोधी पक्षांनी आक्रमक भूमिका घेत गदारोळ केला. तसंच सभात्याग करत खासदारांचे निलंबन मागे घेण्याची मागणी केली. या मुद्द्यावर शिवसेनेनेही आक्रमक पवित्रा घेतला आहे.

खासदारांच्या निलंबनाविरोधात विरोधी पक्षांच्या नेत्यांनी संसदेच्या आवारात गांधींच्या पुतळ्याजवळ सरकारचा निषेध करत आंदोलन केलं. विरोधी पक्षांनी गांधीजींच्या पुतजळ्याजवळ धरणे आंदोलन आंदोलन केलं. या आंदोलनात शिवसेना खासदार प्रियांका चतुर्वेदीही सहभागी झाल्या.
omicron : मोठा दिलासा! देशात एकही ओमिक्रॉनचा रुग्ण नाही, केंद्राची माहिती

काय म्हणाल्या शिवसेनेच्या प्रियांका चतुर्वेदी?

राज्यसभेतील गैरवर्तनाबद्दल विरोधी पक्षांनी माफी मागावी, अशी सरकारची भूमिका आहे. पण आम्ही अजिबात माफी मागणार नाही. जनतेचे मुद्दे उपस्थित करणं आणि सरकारच्या चुकीच्या धोरणांना विरोध करणं हे काय लोकशाहीविरोधी आहे का? हे संसदेच्या नियमांच्याविरोधात आहे का? असेल तर आपल्याला असे निलंबन वेळा १०० केले तरी मान्य आहेत, असं प्रियांका चतुर्वेदी म्हणाल्या.

'ही काय जमीनदारी आणि राजेशाही आहे का? बळजबरी माफी मागायला लावताहेत'