sanjay raut : राहुल गांधींच्या भेटीपूर्वी राऊतांनी दिले मोठे संकेत; म्हणाले, 'महाविकास आघाडी ही... '

नवी दिल्ली : शिवसेनेचे खासदार आणि नेते संजय राऊत हे आज दिल्लीत राहुल गांधींची भेट घेणार आहे. या पार्श्वभूमीवर संजय राऊत यांची आज सकाळी दिल्लीत पत्रकार परिषद झाली. यावेळी त्यांनी विविध मुद्द्यांवर पक्षाची भूमिका मांडली. हो आपण राहुल गांधींची आज भेट घेणार आहोत. याबाबत शंका उपस्थित करण्यासारखं काही नाही. ही एक सदिच्छा भेट ('कर्टसी') असू शकते, असे संजय राऊत म्हणाले. यूपीत सहभागी ( Sanjay Raut Stay Statement On Upa ) होण्याच्या प्रश्नावरही त्यांनी उत्तर दिलं.

राज्यातील सरकार उत्तम काम करतंय. सरकार सुरळीत चालण्यासाठी वेळोवेळी पक्षातील नेते बैठका होत असतात. समन्वय साधून आम्ही काम करतोय. सरकारच्या कामकाजावर आम्ही चर्चा करतोय, असे संजय राऊत म्हणाले.

आगामी काळात ५ राज्यांच्या विधानसभा निवडणुका होत आहे. त्यासंदर्भात चाचपणी होऊ शकते. गोवा आणि यूपीत काँग्रेससोबत निवडणूक लढायची की नाही याचा निर्णय पक्ष प्रमुख उद्धव ठाकरे घेतील, असे राऊत यांनी स्पष्ट केले.

काय आहे खेळी? राऊत आज राहुल गांधींना भेटणार, पवारांचीही बैठक

महाराष्ट्रात काँग्रेस, राष्ट्रवादी आणि शिवसेनेचे महाविकास आघाडी सरकार आहे. एक प्रकारे ही महाष्ट्रातील महाविकास आघाडी ही 'मिनी यूपीए'च आहे. महाराष्ट्रात जो काह प्रयोग सुरू आहे, तो 'मिनी यूपीएचाच' आहे. पण शिवसेनेचा यूपीएत सहभागी होण्याचा निर्णय पक्षप्रमुख उद्धव ठाकरे घेतील. यूपीए आघाडी बळकट व्हायला पाहिजे आणि अधिकाधिक पक्षांनी त्यात सहभागी व्हावं, हा राष्ट्रवादीचे नेते शरद पवारांचा जसा विचार आहे, तसाच शिवसेना पक्षप्रमुख उद्धव ठाकरेंचाही विचार आहे, असे संजय राऊत म्हणाले.

Shiv Sena: शिवसेना मोठा निर्णय घेण्याची शक्यता; राहुल-प्रियांकांना संजय राऊत भेटणार

ममता बॅनर्जी यांचा तृणमूल काँग्रेस पक्ष गोव्यात विधानसभा निवडणूक लढवत आहे. अशावेळी गोव्यात शिवसेना कोणासोबत निवडणूक लढणार? असा प्रश्न राऊत यांना विचारण्यात आला. कोणत्या आघाडीत जायचं किंवा निवडणूक स्वतंत्र लढवायची का? हे आम्ही ठरवू. निवडणुकीबाबत निर्णय पक्षप्रमुख उद्ध ठाकरे घेतील, असे संजय राऊत म्हणाले.