Shraddha Walkar Death Case No Regret Even If Hanged Says Aftab During Polygraph Test Report Says
फाशी मिळाली तरी पश्चाताप नाही, कारण...; पॉलिग्राफ टेस्टमध्ये आफताबचं खळबळजनक विधान
Shraddha Walkar Murder Case: श्रद्धा वालकर हत्या प्रकरणातील आरोपी आफताब पुनावालाच्या पॉलिग्राफ टेस्टमधून सातत्यानं नवनवीन माहिती समोर येत आहे. चौकशीदरम्यान त्यानं एक अतिशय खळबळजनक विधान केलं आहे. आफताबनं नोंदवलेल्या जबाबातून त्याची कट्टर मानसिकता दिसून आली आहे.
Authored byकुणाल गवाणकर | महाराष्ट्र टाइम्स.कॉम30 Nov 2022, 6:59 am
नवी दिल्ली: श्रद्धा वालकर हत्या प्रकरणातील आरोपी आफताब पुनावालाच्या पॉलिग्राफ टेस्टमधून सातत्यानं नवनवीन माहिती समोर येत आहे. चौकशीदरम्यान त्यानं एक अतिशय खळबळजनक विधान केलं आहे. आफताबनं नोंदवलेल्या जबाबातून त्याची कट्टर मानसिकता दिसून आली आहे.
महाराष्ट्र टाइम्स.कॉम
श्रद्धाच्या हत्या प्रकरणात मला फाशी झाली तरीही पश्चाताप वाटणार नाही. कारण जन्नतमध्ये गेल्यावर मला अप्सरा भेटतील, असं आफताबनं म्हटल्याची माहिती एका पोलीस अधिकाऱ्यानं दिली आहे. एकट्या श्रद्धाशीच नव्हे, तर तिच्यासारख्या जवळपास २० हिंदू तरुणींशी संबंध होते, असंही आफताब म्हणाला. दैनिक जागरणनं याबद्दलचं वृत्त दिलं आहे. Shraddha Aftab: लग्नाचा तगादा लावला म्हणून नव्हे तर 'या' कारणासाठी आफताबने श्रद्धाला संपवलं आफताबच्या चौकशीतून अतिशय धक्कादायक गोष्टी समोर आल्या आहेत. आफताबच्या निशाण्यावर केवळ हिंदू तरुणी होत्या. बंबल डेटिंग ऍपच्या माध्यमातून तो केवळ हिंदू मुलींशीच संपर्क साधायचा आणि चॅट करताना त्यांना आपल्या जाळ्यात ओढायचा. श्रद्धाच्या हत्येनंतर आफताबनं एका सायकॉलॉजिस्ट महिला डॉक्टरला फ्लॅटवर बोलावलं होतं. तीदेखील हिंदूच होती. श्रद्धाची अंगठी त्यानं तिला भेट दिली होती. या डॉक्टरशिवाय आणखी अनेक तरुणीदेखील आफताबच्या संपर्कात होत्या.
आफताब अतिशय आत्मविश्वासानं उत्तर देतो. पोलिसांच्या प्रश्नाला तो लगेच उत्तर देतो. चौकशीदरम्यान तो अत्यंत रिलॅक्स असतो, अशी माहिती पोलीस अधिकाऱ्यानं दिली. श्रद्धाची हत्या केल्यानंतर त्यानं तिच्या मृतदेहाचे तुकडे केले. ते करताना त्याला कोणताच पश्चाताप झाला नाही. पोलीस कोठडीत असताना त्यानं दिशाभूल करण्याचा प्रयत्न केला. त्याच्या चेहऱ्यावर चिंतेची लकेरदेखील नव्हती. दररोज मिळत होते तुकडे; पोलीस घरोघरी फिरले, तब्बल ५०० फ्रिज उघडून पाहिले; अखेर गूढ उकलले आफताबकडे पाहिल्यावर त्यानं इतकी निर्घृण हत्या केली आहे असं वाटत नाही. इतका तो शांत आणि थंड असतो. चौकशी संपल्यावर तो अतिशय शांतपणे झोपतो. चौकशीदरम्यान त्यानं हत्येच्या योजनेबद्दल सांगितलं. श्रद्धाची हत्या करून तिच्या मृतदेहाचे तुकडे करायचे हे मी मुंबईत असतानाच ठरवलं होतं, असं त्यानं पोलीस चौकशीत सांगितलं.
आफताबनं १८ मे रोजी श्रद्धाची दिल्लीतील मेहरोलीत हत्या केली. हत्या केल्यानंतर त्यानं बाजारातून करवत आणि फ्रिज आणला. श्रद्धाच्या मृतदेहाचे ३५ तुकडे करून आफताबनं फ्रिजमध्ये ठेवले. दररोज रात्री २ वाजता तो घराबाहेर पडायचा आणि एक-एक तुकडा जवळच असलेल्या जंगलात फेकून यायचा. बरेच दिवस श्रद्धाची ख्यालीखुशाली न समजल्यानं, तिचा कॉल, मेसेज येत नसल्यानं तिच्या एका मित्राच्या मनात शंकेची पाल चुकचुकली. त्यानं श्रद्धाच्या वडिलांशी संपर्क साधला. त्यांनी श्रद्धाच्या अपहरणाची तक्रार नोंदवली. आफताबवर संशय व्यक्त केला आणि हे प्रकरण उघडकीस आलं.
महाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस.... आणखी वाचा
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.