धक्कादायक! घराचं दार उघडताच समोर दिसले ६ मृतदेह, आईसह ३ मुलंही गेली...घडलं तरी काय?

जम्मू काश्मीर : देशात गुन्ह्यांच्या घटनांमध्ये मोठ्या प्रमाणात वाढ होत असताना आता एक धक्कादायक प्रकार समोर आला आहे. इथे एका घरात ६ संशयित मृतदेह आढळल्याने परिसरात खळबळ उडाली आहे. एका घरात ६ मृतदेह संशयास्पद स्थितीत सापडले आहेत. मृतांमध्ये एक महिला, दोन मुली आणि दोन नातेवाईकांचा समावेश असल्याची प्राथमिक माहिती आहे. या घटनेमुळे परिसरात खळबळ उडाली असून पोलीस तपास सुरू असल्याची माहिती आहे.

मिळालेल्या माहितीनुसार, या लोकांचा मृत्यू कसा झाला, हे अद्याप समजू शकलेले नाही. मात्र, पोलिसांनी तपास सुरू केला आहे. जम्मूतील सिध्रा इथे ही घटना घडली आहे. शकीना बेगम अशी महिलेची ओळख आहे. ती, तिच्या दोन मुली नसीमा अख्तर आणि रुबिना बानो आणि मुलगा जफर सलीम आणि दोन नातेवाईक नूर अल हबीब आणि सज्जाद अहमद यांचा मृत्यू झालेल्यांमध्ये समावेश आहे.

Maharashtra Flood 2022 : वैनगंगा कोपली; एकाच आठवड्यात सलग दुसऱ्यांदा आला पूर, जनजीवन विस्कळीत
पोस्टमार्टम रिपोर्टनंतर होणार खुलासा....

पोलिसांनी घटनास्थळावरून सर्व मृतदेह ताब्यात घेतले असून शासकीय वैद्यकीय महाविद्यालयात पाठवले आहेत. इतकंच नाहीतर पोलिसांनी तपासही सुरू केला आहे. मात्र, पोलिसांनी अद्याप काहीही बोलण्यास नकार दिला आहे. शवविच्छेदन अहवाल आल्यानंतरच मृत्यूचे कारण समोर येईल, असे सांगण्यात येत आहे.