एटा: उत्तर प्रदेशातील एटा जिल्ह्यात एका फटाक्याच्या कारखान्यात झालेल्या स्फोटात सहाजण ठार झाले आहेत. तर दोघे गंभीर जखमी झाले असून त्यांना उपचारासाठी तातडीने रुग्णालयात हलविण्यात आले आहे. काही दिवसांपूर्वी पंजाबच्या बटाला येथेही एका फटाक्याच्या कारखान्यात स्फोट झाला होता. त्यात २३ कामगारांना आपला जीव गमवावा लागला होता.
एटा जिल्ह्यातील मिरेहची येथे ही घटना घडली. दुपारी अचानक या कारखान्यात अचानक स्फोट झाला. स्फोट अत्यंत भीषण होता. स्फोटानंतर संपूर्ण कारखानाच जमीनदोस्त झाला. त्यामुळे या परिसरात एकच धावपळ उडाली. पोलीस आणि अग्निशमन दलाच्या कर्मचाऱ्यांनी तात्काळ घटनास्थळी धाव घेतली असून युद्धपातळीवर रेस्क्यू ऑपरेशन सुरू आहे. ढिगारा हटविण्याचे काम वेगाने सुरू असून या ढिगाऱ्यातून आतापर्यंत ६ जणांचे मृतदेह बाहेर काढण्यात आले आहेत.
एटा जिल्ह्यातील मिरेहची येथे ही घटना घडली. दुपारी अचानक या कारखान्यात अचानक स्फोट झाला. स्फोट अत्यंत भीषण होता. स्फोटानंतर संपूर्ण कारखानाच जमीनदोस्त झाला. त्यामुळे या परिसरात एकच धावपळ उडाली. पोलीस आणि अग्निशमन दलाच्या कर्मचाऱ्यांनी तात्काळ घटनास्थळी धाव घेतली असून युद्धपातळीवर रेस्क्यू ऑपरेशन सुरू आहे. ढिगारा हटविण्याचे काम वेगाने सुरू असून या ढिगाऱ्यातून आतापर्यंत ६ जणांचे मृतदेह बाहेर काढण्यात आले आहेत.