smriti irani : स्मृती इराणी संसदेत म्हणाल्या, 'प्रत्येक विवाहित पुरुषाला बलात्कारी...'

नवी दिल्ली : वैवाहिक बलात्काराचा मुद्दा विरोधकांनी संसदेत उपस्थित केला. त्यावर महिला आणि बालविकास मंत्री स्मृती इराणी यांनी सरकारची बाजू मांडली. मुले आणि महिलांना प्राधान्य देणे ठीक आहे. पण सर्वच विवाहित पुरुषांना बलात्कारी म्हणणे चुकीचे आहे, असं इराणी म्हणाल्या.

'प्रत्येक पुरुषाला बलात्कारी समजणे योग्य नाही'

संसदेत सादर झालेल्या अर्थसंकल्पावरील चर्चेदरम्यान सीपीआयचे बिनॉय विश्वम यांनी 'वैवाहिक जीवनातील लैंगिक हिंसाचारा'च्या मुद्द्यावर प्रश्न उपस्थित केला. यावर स्मृती इराणी यांनी प्रत्युत्तर दिले. वैवाहिक हिंसाचाराचे समर्थन केले जाऊ शकत नाही, पण त्याच्या नावाखाली देशातील प्रत्येक विवाहाला हिंसक ठरवणे आणि देशातील सर्व पुरुषांना बलात्कारी समजणे योग्य नाही, असे स्मृती इराणी म्हणाल्या.

आपल्या देशात लहान मुले आणि महिलांना प्राधान्य दिले जाते. मात्र, आपण सर्व पुरुषांना चुकीचे म्हणू शकत नाही. कौटुंबीक हिंसाचाराच्या अनुच्छेद ३ आणि आयपीसीच्या अनुच्छेद ३७५ नुसार केंद्राने बलात्काराकडे कधी लक्ष दिले आहे का? असा सवाल त्यांनी केला.

घरगुती हिंसाचाराच्या अनुच्छेद ३ मध्ये काय आहे?

हुंड्यासाठी कोणत्याही महिलेचा छळ करणे, जबरदस्तीने शारीरिक संबंध ठेवणे, महिलेला मारहाण करणे, हे सर्व गुन्हे घरगुती हिंसाचाराच्या कलम ३ अंतर्गत येतात. एखाद्या महिलेसोबत हे सर्व गुन्हे केल्यास जन्मठेपेपर्यंत दंडाची शिक्षा होऊ शकते.

काय आहे आयपीसी अनुच्छेद ३७५ ?

जेव्हा एखादा पुरुष एखाद्या स्त्रीशी तिच्या इच्छेविरुद्ध, तिच्या संमतीशिवाय, धमकावून, मानसिकदृष्ट्या कमकुवत, वेड्या किंवा नशा झालेल्या स्त्रीला फसवून लैंगिक संबंध ठेवतो, त्याला बलात्कार म्हणतात. यामध्ये दोषींवर अनुच्छेद ३७५ अन्वये कारवाई केली जाते. यामध्ये कमीत कमी ७ वर्षांच्या कारावासाची आणि जास्तीत जास्त जन्मठेपेची शिक्षा आहे.

mahua moitra : 'मी लोकसभेत बोलणार आहे, गोमुत्र पिऊन बसा...' मोइत्रांचे भाजपला आव्हान

महिलांच्या मदतीसाठी ३० हून अधिक हेल्पलाइन

महिलांच्या मदतीसाठी ३० हून अधिक हेल्पलाइन कार्यरत आहेत. या हेल्पलाइन्सच्या माध्यमातून आतापर्यंत ६६ लाखांहून अधिक महिलांना मदत करण्यात आली आहे. देशातील महिलांना मदत करण्यासाठी ७०३ 'वन स्टॉप सेंटर' देखील कार्यरत आहेत. या माध्यमातूनही ५ लाख महिलांना मदत करण्यात आली आहे. वैवाहिक बलात्काराचा मुद्दा सुप्रीम कोर्टात म्हणजे न्यायप्रविष्ट आहे, यामुळे त्यावर फारशी चर्चा होऊ शकत नाही, असे आहेत स्मृती इराणी म्हणाल्या.

rahul gandhi : लोकसभा अध्यक्ष ओम बिर्लांनी राहुल गांधींना का फटकारलं, काय झालं नेमकं?