मायनस ४० अंश तापमान, बर्फवृष्टी, हाड गोठवणाऱ्या थंडीत सोनम वांगचुक यांच्या उपोषणाचा तिसरा दिवस

श्रीनगर : सामाजिक कार्यकर्ते, इनोव्हेटर सोनम वांगचुक २६ जानेवारीपासून ५ दिवस उपोषणाला बसले आहेत. मायनस ४० अंश तापमान, बर्फवृष्टी होत असतानाही लडाढच्या महत्त्वाच्या प्रश्नांकडे लक्ष वेधण्यासाठी त्यांनी क्लायमेट फास्ट म्हणत उपोषण केलं आहे. आज त्यांच्या या उपोषणाचा तिसरा दिवस आहे. सेव्ह लडाख म्हणत त्यांनी आजच्या तिसऱ्या दिवसाच्या उपोषणाचे काही फोटो शेअर केले आहेत.

पर्यावरण संवर्धन, लडाखमधील उद्योग, हिमनद्या, येथील आदिवासी अशा अनेक मुद्यांवरुन ते उपोषणाला बसले आहेत. लेह-लडाख पर्यावरणाच्या दृष्टीने अतिशय महत्त्वाचा भाग आहे. इथल्या हिमनद्याचं संरक्षण होणं गरजेचं आहे. लडाखमधील दोन तृतीयांश हिमनद्या नामशेष होण्याच्या मार्गावर असून या महत्त्वाच्या मुद्याकडे लक्ष वेधण्यासाठी त्यांनी क्लायमेट फास्ट ठेवला आहे.

हेही वाचा - आता म्हाडा देणार टॉप क्लास सुविधा; स्विमिंग पूल, जीमची सोय, स्टेशनवरून ५ मिनिटांत गाठा घर

भारतीय राज्यघटनेच्या सहाव्या परिष्ठात लडाखचा समावेश करावा, इतर सुरक्षेच्या मागणीसाठी सोनम पाच दिवसांच्या उपोषणावर आहेत. लडाखमधील जमीन, पर्यावरण, संस्कृती आणि रोजगाराचं संरक्षण करण्याच्या त्यांच्या मागण्यांवर चर्चा करण्यासाठी पंतप्रधानांनी लडाखमधील नेत्यांची तातडीने बैठक बोलवावी अशीही त्यांची मागणी आहे.

हेही वाचा - राजस्थानमध्ये चार्टर्ड विमानाचा अपघात, प्लेन क्रॅशचा Video समोर



लडाखमध्ये बर्फवृष्टी होत असतानाही ते बाहेर झोपलेले दिसत आहेत. त्यांच्या आजूबाजूला पोलिसांचा पहारादेखील आहे. २६ जानेवारी प्रजासत्ताकदिनी त्यांनी लडाखमधील हिमालयन इन्स्टिट्यूट ऑफ अल्टरनेटिव्हजच्या टेरेसवर पाच दिवसीय उपोषण सुरू केलं. भागात दिवसाचं तापमान मायनस २० अंश आहे.

हेही वाचा - पहिलीपर्यंत शिक्षण, वयाच्या ७व्या वर्षी पहिला शो...कोण आहे माईंड रीड करणारी सुहानी शाह


सोनम वांगचुक यांचं खारदुंगला इथे उपोषण सुरू आहे. हे ठिकाण समुद्रसपाटीपासून जवळपास १७८५२ फूट उंचावर आहे. इथे जाण्यासाठी त्यांना परवानगी देण्यात आली नव्हती. लडाख वाचवण्यासाठी, लडाखच्या संरक्षणासाठी हाडं गोठवणाऱ्या थंडीत ते उपोषणाला बसले आहेत.