'भाजपनं महिला आरक्षण विधेयक मंजूर करावं'

मटा ऑनलाइन वृत्त । नवी दिल्ली

तब्बल २१ वर्षे रखडलेलं 'महिला आरक्षण विधेयक' आता तरी मंजूर करा, अशी विनंती काँग्रेस अध्यक्ष सोनिया गांधी यांनी पंतप्रधान नरेंद्र मोदी यांना केली आहे. गांधी यांनी पंतप्रधानांना पत्र लिहून हे विधेयक लोकसभेत बहुमताने मंजूर करावं असे आवाहन केले आहे.

'लोकसभेत भाजप बहुमतात आहे. त्याचा लाभ उठवत हे २१ वर्षांपासून रखडलेले महिला आरक्षण विधेयक मंजूर करा, जेणेकरून लोकसभेतही हे विधेयक मंजूर होईल. आम्ही या विधेयकाच्या मंजुरीसाठी केंद्र सरकारला पाठिंबा देऊ,' असे सोनियांनी मोदींना लिहिलेल्या पत्रात म्हटले आहे.

लोकसभा आणि राज्यांच्या विधीमंडळात महिलांना ३३ टक्के आरक्षण देणारं विधेयक देवेगौडा सरकारने १२ सप्टेंबर १९९६ रोजी आणलं होतं. पण १५ वी लोकसभा २०१४ मध्ये विसर्जित झाली आणि हे विधेयक मंजुरीशिवाय रखडलं.