मटा ऑनलाइन वृत्त । नवी दिल्ली
संसदेत जात असतानाचे व्हिडिओ चित्रण करुन ते फेसबुकवर अपलोड करणाऱ्या आम आदमी पार्टीचे खासदार भगवंत मान यांना लोकसभेच्या सभापती सुमित्रा महाजन यांनी ३ ऑगस्टपर्यंत संसदेत प्रवेशबंदी केली आहे.
फेसबुक लाइव्ह करण्यासाठी खासदार भगवंत मान यांनी केलेले व्हिडिओ चित्रण सुरक्षेला बाधा पोहोचविणारे आहे. या सर्व प्रकरणाचा तपास करण्याचे आदेश लोकसभेच्या सभापतींनी दिले आहे. या सर्व प्रकरणाचा तपास करण्यासाठी सभापतींनी एक समिती बनवली असून भगवंत मान यांना ३ ऑगस्टपर्यंत संसदेत प्रवेशबंदी केली आहे.
खासदार भगवंत मान यांनी गुरुवारी संसदेत जात असताना सर्व प्रक्रियेचा व्हिडिओ बनवून तो फेसबुकवर अपलोड केला होता. या व्हिडिओनंतर भगवंत मान वादात अडकले होते. संसदेतील सुरक्षा धोक्यात घातल्याचा आरोप त्यांच्यावर विरोधकांनी केला होता. याप्रकरणी पत्रकारांनी मान यांना विचारले असता त्यांनी यासारखे व्हिडिओ बनविणार व ते फेसबुकवर अपलोड करणार असल्याचे म्हटले होते. परंतु विरोधकांनी हा मुद्दा उचलून धरल्यानंतर मान यांनी नरमाईचे धोरण स्वीकारत आपली चूक स्वीकारली होती. तसेच याप्रकरणी सभापती सुमित्रा महाजन यांच्याकडे जावून बिनशर्त माफी मागितली होती.
संसदेत जात असतानाचे व्हिडिओ चित्रण करुन ते फेसबुकवर अपलोड करणाऱ्या आम आदमी पार्टीचे खासदार भगवंत मान यांना लोकसभेच्या सभापती सुमित्रा महाजन यांनी ३ ऑगस्टपर्यंत संसदेत प्रवेशबंदी केली आहे.
फेसबुक लाइव्ह करण्यासाठी खासदार भगवंत मान यांनी केलेले व्हिडिओ चित्रण सुरक्षेला बाधा पोहोचविणारे आहे. या सर्व प्रकरणाचा तपास करण्याचे आदेश लोकसभेच्या सभापतींनी दिले आहे. या सर्व प्रकरणाचा तपास करण्यासाठी सभापतींनी एक समिती बनवली असून भगवंत मान यांना ३ ऑगस्टपर्यंत संसदेत प्रवेशबंदी केली आहे.
खासदार भगवंत मान यांनी गुरुवारी संसदेत जात असताना सर्व प्रक्रियेचा व्हिडिओ बनवून तो फेसबुकवर अपलोड केला होता. या व्हिडिओनंतर भगवंत मान वादात अडकले होते. संसदेतील सुरक्षा धोक्यात घातल्याचा आरोप त्यांच्यावर विरोधकांनी केला होता. याप्रकरणी पत्रकारांनी मान यांना विचारले असता त्यांनी यासारखे व्हिडिओ बनविणार व ते फेसबुकवर अपलोड करणार असल्याचे म्हटले होते. परंतु विरोधकांनी हा मुद्दा उचलून धरल्यानंतर मान यांनी नरमाईचे धोरण स्वीकारत आपली चूक स्वीकारली होती. तसेच याप्रकरणी सभापती सुमित्रा महाजन यांच्याकडे जावून बिनशर्त माफी मागितली होती.