sputnik light vaccine : 'स्पुतनिक लाइट' ठरू शकते भारतातील पहिली एक डोस असलेली करोनावरील लस, सूत्रांची माहती

नवी दिल्लीः रशियाची स्पुतनिक लाइट (Sputnik Light) ही भारतातील एक डोस असलेली पहिली लस ठरू शकते. डॉक्टर रेड्डी यासंदर्भात जून महिन्यानंतर सरकार आणि नियामक संस्थेशी चर्चा करतील, असं सूत्रांनी सांगितलं. एनडीटीव्हीने हे वृत्त दिलं आहे. दुसरीकडे आजपासून देशात रशियाची स्पुतनिक व्ही ही दोन डोस असलेली लस देण्यास सुरवात झाली आहे. देशातील ३५ केंद्रांवर दिली जाईल. स्पुतनिक व्ही (Sputnik V) या आयात केलेल्या लसीच्या एका डोसची किंमत ही देशात ९९५.४० रुपये इतकी जाहीर करण्यात आली आहे. Sputnik V ही लस ९१.६ टक्के इतकी प्रभावी आहे. ही तिसरी लस आहे जिला भारतात मंजुरी देण्यात आली आहे.

Sputnik V या लसीचा पहिला डोस शुक्रवारी हैदराबादमध्ये देण्यात आला. स्पूतनिक व्ही च्या आयात केलेल्या डोसची किंमतीत ५ टक्के जीएसटीचा समावेश आहे. पण या लसीचे भारतात उत्पादन सुरू झाल्यानंतर तिची किंमत कमी होईल.

covid vaccine : 'भारतातील लसी करोनाच्या व्हेरियंटशी लढण्यात सक्षम, पण प्रभाव कमी होणार'

Pfizer and Moderna या दोन लशींशिवाय स्पुतनिक व्ही ही पहिली लस आहे जी करोनावर ९१ टक्के अधिक प्रभावी आहे. २१ दिवसांच्या आत दोन डोस दिल्यानंतर ही लस इतकी प्रभावी ठरते. भारतात स्पुतनिक व्ही लसीची पहिली खेप रशियातून आयात करण्यात आली आहे. लसींच्या तुटवड्यामुळे देशातील लसीकरण मोहीम मंदावली आहे.

'जे काम करतात त्यांच्याकडूनच चुका होतात', केंद्रावरील टीकेनंतर खेर यांचे डॅमेज कंट्रोल