sputnik light : स्पुतनिक लाइट लसीच्या तिसऱ्या टप्प्याच्या चाचणीची मागणी केंद्राने फेटाळली

नवी दिल्लीः रशियाने विकसित केलेल्या करोनावरील स्पुतनिक लाइट या लसीची तिसऱ्या टप्प्याची चाचणी घेण्यास भारताने नकार दिला आहे. हैदराबादच्या रेड्डी लॅबने लसीच्या तिसऱ्या टप्प्याच्या चाचणीसाठी औषध नियामक संस्थेकडे मंजुरी मागितली होती. पण ही मागणी फेटाळण्यात आली आहे. देशात रशियाची करोनावरील स्पुतनिक व्ही या लसीला सरकारने आधीच मंजुरी दिली आहे. या लसीचे दोन डोस दिले जात आहेत. तर स्पुतनिक लाइट या लसीचा फक्त एक डोस असणार आहे.

स्पुतनिक व्ही नंतर एक डोस असलेली स्पुतनिक लाइट ही लस रशियाने विकसित केली होती. ही लस रशियाच्या आरोग्य मंत्रालयाअंतर्गत येणाऱ्या नॅशनल रिसर्स सेंटर ऑफ एपिडोमोलॉजी अँड मायक्रोबायोलॉजीने विकसित केली आहे. स्पुतनिक लाइट लसीत एडी२६ चा उपयोग करण्यात आलाआहे. करोना व्हायरस विरोधात लढण्यासाठी ही लस आपल्या शरीरात किती प्रतिकारशक्ती निर्माण करते? हे पाहण्यासाठी डॉक्टर रेड्डी लॅबने मागणी केली होती, असं सांगण्यात येतंय.

zydus cadila जायडस कॅडिलाने तीन डोस असलेल्या करोनावरील लसीसाठी मागितली मंजुरी

स्पुतनिक लाइट लसीच्या चाचणीला सब्जेक्ट एक्सपर्ट कमेटीने मंजुरी दिली नाही. कारण ही लस काही विशेष नाही. यामुळे तिला पुढील चाचणीची गरज नाही, असं सूत्रांनी सांगितलं. भारतात सुरू असलेल्या लसीकरण मोहीमेत कोविशिल्ड, कोवॅक्सिनसह रशियाची स्पुतनिक व्ही ही लसही दिली जात आहे.

coronavirus india : देशात करोना रुग्णांची संख्या काहीशी वाढली, गेल्या २४ तासांतील आकडे