अ‍ॅपशहर

जम्मू-काश्मीरमध्ये १४ वर्षाच्या अतिरेक्याला कंठस्नान

जम्मू-काश्मीरच्या मजगुंड येथे सुरक्षा दलाचे जवान आणि लष्करादरम्यान झालेल्या चकमकीत तीन अतिरेक्यांना कंठस्नान घालण्यात आलं आहे. त्यात मुदासीर नावाच्या अतिरेक्याचा समावेश असून तो अवघा १४ वर्षाचा आहे. गेल्या आठवड्यातच हातात एके-४७ घेतलेला त्याचा फोटो सोशल मीडियावर व्हायरल झाला होता. मात्र त्याचा हा फोटो तीन महिन्यापूर्वीचा असल्याचं जम्मू-काश्मीर पोलिसांनी सांगितलं.

महाराष्ट्र टाइम्स.कॉम 9 Dec 2018, 1:49 pm
श्रीनगर:
महाराष्ट्र टाइम्स.कॉम terrorist1


जम्मू-काश्मीरच्या मजगुंड येथे सुरक्षा दलाचे जवान आणि लष्करादरम्यान झालेल्या चकमकीत तीन अतिरेक्यांना कंठस्नान घालण्यात आलं आहे. त्यात मुदासीर नावाच्या अतिरेक्याचा समावेश असून तो अवघा १४ वर्षाचा आहे. गेल्या आठवड्यातच हातात एके-४७ घेतलेला त्याचा फोटो सोशल मीडियावर व्हायरल झाला होता. मात्र त्याचा हा फोटो तीन महिन्यापूर्वीचा असल्याचं जम्मू-काश्मीर पोलिसांनी सांगितलं.

मुदासीर हा हाजिन बांदीपोरा येथील रहिवासी आहे. तो ३१ ऑगस्टपासून त्याचा मित्र बिलालसोबत घरातून गायब होता. इयत्ता ९वी पर्यंत शिकलेला मुदासीर लश्कर-ए-तोयबाशी संबंधित होता, असं पोलिसांचं म्हणणं आहे. मुदासीरला परत घरी आणण्यासाठी त्याच्या कुटुंबीयांनी प्रचंड प्रयत्न केले होते. मात्र त्याने घरी येण्यास नकार दिला होता. मुदासिर आणि बिलाल दोघेही ५ महिन्यांपासून गायब होते.

दरम्यान, मजगुंड येथे काही अतिरेकी लपल्याची खबर मिळाल्यानंतर सीआरपीएफ जवान आणि काश्मीर पोलिसांनी या परिसरात शोध मोहीम हाती घेतली. त्यावेळी तीन अतिरेक्यांनी जवानांवर गोळीबार केला. त्यामुळे जवानांनी बचावासाठी केलेल्या गोळीबारात मुदासीरसह आणखी दोन अतिरेकी ठार झाले. तर तीन जवान जखमी झाले असून त्यांना उपचारासाठी रुग्णालयात दाखल करण्यात आले आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज