नवी दिल्ली: भारतात ओमिक्रॉन व्हेरिएंटमुळे करोना संसर्गाची तिसरी लाट धडकली असून गेल्या काही दिवसांपासून रुग्णसंख्येचा स्फोट झाल्याचे चित्र आहे. अशावेळी केंद्र सरकारने अत्यंत महत्त्वाचा इशारा दिला आहे. करोना बाधित रुग्णांवर उपचार करताना जी औषधे दिली जात आहेत त्यांचा अतिरेक झाल्यास वा चुकीचा वापर झाल्यास रुग्णाला ब्लॅक फंगसला सामोरे जावे लागू शकते, अशी भीती केंद्राने व्यक्त केली. त्याचवेळी कोणती औषधे दिली जावी याबाबतही सल्ला दिला. ( Corona Treatment Latest Breaking News ) वाचा: 'गरम पाणी प्या आणि गुळण्या करा, म्हणजे...'; कोविड टास्क फोर्स प्रमुखांचा खास सल्ला
देशात करोना बाधित रुग्णांची संख्या वेगाने वाढत आहे. ही बाब लक्षात घेत बाधित रुग्णांवरील उपचारांबाबत केंद्र सरकारने महत्त्वाचा सल्ला दिला आहे. औषधांचा अतिरेक झाल्यास करोना बाधिताला ब्लॅक फंगसच्या रूपाने नव्या संकटाला सोमोरे जावे लागेल, असा धोक्याचा इशाराच निती आयोगाचे सदस्य (आरोग्य) आणि राष्ट्रीय कोविड टास्क फोर्स प्रमुख डॉ. व्ही. के. पॉल यांनी दिला. करोना बाधित रुग्णांवरील उपचार तर्कसंगत असावेत, असे त्यांनी स्पष्टपणे बजावले. करोना बाधित रुग्णावर उपचार करताना औषधांचा 'ओव्हरयूज' आणि 'मिसयुज' टाळण्याची आवश्यकता आहे. करोनाच्या दुसऱ्या लाटेत औषधांचा अतिरेक झाल्यामुळे अनेक रुग्णांना म्युकरमायकोसिसने गाठले. ही स्थिती टाळायची असेल तर आपण सतर्क झाले पाहिजे, असे पॉल म्हणाले. स्टेरॉइड्समुळे म्युकरमायकोसिसचा धोका वाढतो. स्टेरॉइड्स उपयुक्त ठरत असले तरी त्याचे साइड इफेक्ट गंभीर आहेत. इम्युन सिस्टमवरही त्याचे परिणाम होतात, असेही त्यांनी नमूद केले.
वाचा : डिस्चार्जबाबत नवे धोरण; करोना बाधित रुग्णाला ३ दिवस ताप आला नाही तर...
करोनावरील उपचारांसाठी तज्ज्ञांच्या सल्ल्याने दिशानिर्देश देण्यात आलेले आहेत. त्यानुसार ताप आल्यास पॅरासिटेमॉल आणि कफ असल्यास आयुष सीरप घेता येईल. कफ तीन दिवसांपेक्षा जास्त दिवस असल्यास बुडेसोनाइडचा ( Budesonide ) इन्हेलर घ्यावा आणि गरम पाण्याच्या गुळण्याही कराव्या. हे इलाज तुम्ही घरच्या घरी करू शकता, असे पॉल यांनी सांगितले. तुम्हाला रुग्णालयात दाखल केले आणि तिथे ऑक्सीजन लावावा लागला तर मेथिलप्रेडनिसोलोन ( Methylprednisolone आणि डेक्सामेथासोन ( Dexamethasone ) ही औषधे देता येतील. हेपरिन ( Heparin ) हे औषधही डॉक्टर देऊ शकतात, असे पॉल यांनी नमूद केले. रुग्ण घरी असल्यास रेमडेसीवीर दिले जाऊ नये. रुग्णालयात दाखल असलेल्या रुग्णाला आवश्यकतेनुसार रेमडेसीवीर देण्याचा सल्ला दिला गेलेला असून याबाबतच्या गाइडलाइन्सचे काटेकोरपणे पालन केले जावे, असे पॉल यांनी सांगितले.
वाचा: ओमिक्रॉन हा साधा ताप नाही!; कोविड टास्क फोर्स प्रमुखांचा अलर्ट, म्हणाले...
देशात करोना बाधित रुग्णांची संख्या वेगाने वाढत आहे. ही बाब लक्षात घेत बाधित रुग्णांवरील उपचारांबाबत केंद्र सरकारने महत्त्वाचा सल्ला दिला आहे. औषधांचा अतिरेक झाल्यास करोना बाधिताला ब्लॅक फंगसच्या रूपाने नव्या संकटाला सोमोरे जावे लागेल, असा धोक्याचा इशाराच निती आयोगाचे सदस्य (आरोग्य) आणि राष्ट्रीय कोविड टास्क फोर्स प्रमुख डॉ. व्ही. के. पॉल यांनी दिला. करोना बाधित रुग्णांवरील उपचार तर्कसंगत असावेत, असे त्यांनी स्पष्टपणे बजावले. करोना बाधित रुग्णावर उपचार करताना औषधांचा 'ओव्हरयूज' आणि 'मिसयुज' टाळण्याची आवश्यकता आहे. करोनाच्या दुसऱ्या लाटेत औषधांचा अतिरेक झाल्यामुळे अनेक रुग्णांना म्युकरमायकोसिसने गाठले. ही स्थिती टाळायची असेल तर आपण सतर्क झाले पाहिजे, असे पॉल म्हणाले. स्टेरॉइड्समुळे म्युकरमायकोसिसचा धोका वाढतो. स्टेरॉइड्स उपयुक्त ठरत असले तरी त्याचे साइड इफेक्ट गंभीर आहेत. इम्युन सिस्टमवरही त्याचे परिणाम होतात, असेही त्यांनी नमूद केले.
वाचा : डिस्चार्जबाबत नवे धोरण; करोना बाधित रुग्णाला ३ दिवस ताप आला नाही तर...
करोनावरील उपचारांसाठी तज्ज्ञांच्या सल्ल्याने दिशानिर्देश देण्यात आलेले आहेत. त्यानुसार ताप आल्यास पॅरासिटेमॉल आणि कफ असल्यास आयुष सीरप घेता येईल. कफ तीन दिवसांपेक्षा जास्त दिवस असल्यास बुडेसोनाइडचा ( Budesonide ) इन्हेलर घ्यावा आणि गरम पाण्याच्या गुळण्याही कराव्या. हे इलाज तुम्ही घरच्या घरी करू शकता, असे पॉल यांनी सांगितले. तुम्हाला रुग्णालयात दाखल केले आणि तिथे ऑक्सीजन लावावा लागला तर मेथिलप्रेडनिसोलोन ( Methylprednisolone आणि डेक्सामेथासोन ( Dexamethasone ) ही औषधे देता येतील. हेपरिन ( Heparin ) हे औषधही डॉक्टर देऊ शकतात, असे पॉल यांनी नमूद केले. रुग्ण घरी असल्यास रेमडेसीवीर दिले जाऊ नये. रुग्णालयात दाखल असलेल्या रुग्णाला आवश्यकतेनुसार रेमडेसीवीर देण्याचा सल्ला दिला गेलेला असून याबाबतच्या गाइडलाइन्सचे काटेकोरपणे पालन केले जावे, असे पॉल यांनी सांगितले.
वाचा: ओमिक्रॉन हा साधा ताप नाही!; कोविड टास्क फोर्स प्रमुखांचा अलर्ट, म्हणाले...