१४ वर्षाचा मुलगा २२ वर्षाच्या शिक्षिकेसोबत सैराट

मटा ऑनलाइन वृत्त । बरेली

एक १४ वर्षाचा विद्यार्थी २२ वर्षाच्या शिक्षिकेसोबत पळून गेल्याची घटना बरेलीत घडली आहे. पळून जाताना त्या मुलाने आपल्या घरातील ८ हजार रुपयांची रोकड आणि दागिनेही नेले. ही घटना १ डिसेंबरची आहे. शिक्षिकेच्या कुटुंबीयांनी मुलगा आणि त्याच्या कुटुंबीयांविरोधात पोलिसात तक्रार दाखल केली आहे.

'माझा मुलगा घरातील रोकड आणि दागिने घेऊन शिक्षिकेसोबत पळाला आहे. शिक्षिकेचे चारित्र्य चांगले नाहीए. तिने माझ्या मुलाला फसवून पळवले आहे. मुलाच्या शोधासाठी मी भटकतोय. तो अजून लहान आहे. एवढं मोठं पाऊल उचलण्याची त्याची हिंमत नाही. या प्रकरणी आम्ही पोलिसात तक्रार दाखल करणार आहोत, असं मुलाचे वडील रामवीर यांनी सांगितलं.

या दरम्यान शिक्षिकेच्या कुटुंबीयांनी पोलिसात तक्रार दाखल केली आहे. मुलाच्या कुटुंबीयांचा या सर्व प्रकारामागे हात आहे, असा आरोप त्यांनी केला आहे.

'हे अतिशय किचकट प्रकरण बनलं आहे. शिक्षिकेच्या कुटुंबीयांनी मुलावर अपहरणाचा आरोप केला आहे. आम्ही मुलाविरोधात तक्रार दाखल केली आहे. त्या दोघांचे संबंध होते आणि ते सोबत पळून गेले', असा प्राथमिक अंदाज असल्याचं पोलीस अधीक्षक यमुना प्रसाद यांनी सांगितलं.