नवी दिल्ली:
सोशल मीडियावर अॅक्टिव्ह असणाऱ्या परराष्ट्र मंत्री सुषमा स्वराज यांना अनेकजण टॅग करत मदत मागत असतात. सुषमा स्वराजही प्रत्येकाला मदत करून त्यांना अडचणीतून बाहेर काढत असतात. एका व्यक्तिनेही स्वराज यांना मदत मागितली. पण त्यांनी त्याला मदत केली नाही. या तरुणाच्या प्रोफाइलवर 'भारतव्याप्त काश्मीर' लिहिलेलं होतं. त्यावरून स्वराज यांनी त्याला झापलं आणि मदत करण्यास स्पष्ट शब्दांत नकार दिला.
गुरुवारी एका तरुणाने सुषमा स्वराज यांना मदत मागितली. त्यावर 'तुमचं लोकेशन 'भारतव्याप्त काश्मीर' असं दाखवलं जात आहे. भारतात अशी कोणतीच जागा नाही. त्यामुळे मी तुम्हाला कोणतीच मदत करू शकत नाही. तुम्ही जर जम्मू-काश्मीरचे असाल तर जरूर मदत करेन,' असं सांगत स्वराज यांनी त्या तरुणाला झापलं होतं. त्यानंतर त्याने लगेचच त्याचं लोकेशन बदलून जम्मू-काश्मीर केलं. स्वराज यांनीही त्याची दखल घेत त्याला मदत देण्याचे निर्देश दिले.
शेख अतिक असं या तरुणाचं नाव आहे. त्याने ५ एप्रिल रोजी ट्विट करून पासपोर्ट डॅमेज झाल्याची तक्रार केली होती. तब्येतही बरी नसल्यानं भारतात यायचं असून त्यासाठी मदत करावी अशी मागणी त्यानं केली होती. अतिक हा फिलिपाईन्समध्ये वैद्यकीय कोर्स करण्यासाठी गेला होता. तो मुळचा काश्मीरचा आहे. मात्र त्याच्या प्रोफाइल लोकेशनमुळे स्वराज यांनी त्याला मदत देण्यास नकार दिला होता. दरम्यान, त्यानं प्रोफाइल बदलल्यानंतर स्वराज यांनी आनंदही व्यक्त केला.
सोशल मीडियावर अॅक्टिव्ह असणाऱ्या परराष्ट्र मंत्री सुषमा स्वराज यांना अनेकजण टॅग करत मदत मागत असतात. सुषमा स्वराजही प्रत्येकाला मदत करून त्यांना अडचणीतून बाहेर काढत असतात. एका व्यक्तिनेही स्वराज यांना मदत मागितली. पण त्यांनी त्याला मदत केली नाही. या तरुणाच्या प्रोफाइलवर 'भारतव्याप्त काश्मीर' लिहिलेलं होतं. त्यावरून स्वराज यांनी त्याला झापलं आणि मदत करण्यास स्पष्ट शब्दांत नकार दिला.
गुरुवारी एका तरुणाने सुषमा स्वराज यांना मदत मागितली. त्यावर 'तुमचं लोकेशन 'भारतव्याप्त काश्मीर' असं दाखवलं जात आहे. भारतात अशी कोणतीच जागा नाही. त्यामुळे मी तुम्हाला कोणतीच मदत करू शकत नाही. तुम्ही जर जम्मू-काश्मीरचे असाल तर जरूर मदत करेन,' असं सांगत स्वराज यांनी त्या तरुणाला झापलं होतं. त्यानंतर त्याने लगेचच त्याचं लोकेशन बदलून जम्मू-काश्मीर केलं. स्वराज यांनीही त्याची दखल घेत त्याला मदत देण्याचे निर्देश दिले.
शेख अतिक असं या तरुणाचं नाव आहे. त्याने ५ एप्रिल रोजी ट्विट करून पासपोर्ट डॅमेज झाल्याची तक्रार केली होती. तब्येतही बरी नसल्यानं भारतात यायचं असून त्यासाठी मदत करावी अशी मागणी त्यानं केली होती. अतिक हा फिलिपाईन्समध्ये वैद्यकीय कोर्स करण्यासाठी गेला होता. तो मुळचा काश्मीरचा आहे. मात्र त्याच्या प्रोफाइल लोकेशनमुळे स्वराज यांनी त्याला मदत देण्यास नकार दिला होता. दरम्यान, त्यानं प्रोफाइल बदलल्यानंतर स्वराज यांनी आनंदही व्यक्त केला.