मी चूक केली, पण दुसरी संधी मिळायला हवी होती! शेवटचे शब्द लिहून विद्यार्थ्यानं आयुष्य संपवलं

रायबरेली: कॉपी करणं चूक असू शकतं. पण ही चूक इतकी मोठी आहे का की त्यासाठी छळ केला जावा? मारहाण आणि अपमान करण्यात यावा? अशी चूक झाली असल्यास दुसरी संधी दिली जाऊ नये का? असे अनेक प्रश्न सुसाईड नोटच्या माध्यमातून उपस्थित करून रायबरेलीत सातवीत शिकणाऱ्या विद्यार्थ्यानं आत्महत्या केली आहे. शिक्षिका आणि मुख्याधापक यांच्या त्रासाला कंटाळून सेंट पीटर्स शाळेचा विद्यार्थी असलेल्या यश सिंह मौर्या (१२) नं आत्महत्या केली. पंख्याला ओढणीनं गळफास लावून त्यानं जीवन संपवलं.
लग्नाच्या १२ वर्षानंतर पूजा म्हणाली, माझं नाव हसीना बानो! नवऱ्याला धक्का बसला अन् मग...
गुरुवारी जीवशास्त्राचा पेपर होता. त्यावेळी शिक्षिकेनं यशला कॉपी करताना पकडलं. शिक्षिकेनं यशला मारहाण केली. सगळ्यांसमोर त्याला अपमानित केलं. त्यानंतर त्याला घेऊन मुख्याध्यापिकांकडे घेऊन गेल्या. त्यांनीही यशला ऐकवलं. त्याचा अपमान केला. त्यामुळे यश नाराज होता. घरी आल्यावर तो कोणासोबत काहीच बोलला नाही. तो वर असलेल्या त्याच्या खोलीत गेला. सुसाईड नोट लिहून त्यानं जीवनयात्रा संपवली.

शाळेत शिक्षिकेनं आणि मुख्याध्यापिकेनं केलेला अपमान यशला सहन झाला नाही. त्यामुळेच त्यानं टोकाचं पाऊल उतलल्याचा दावा वडील राजीव मौर्या यांच्यासह कुटुंबियांनी केला. राजीव यांनी दिलेल्या तक्रारीनंतर मुख्याध्यापिका रजनाई डिसुझा आणि शिक्षिका मोनिका मागो यांच्याविरोधात गुन्हा दाखल करण्यात आला आहे.
पिटबुलचा गायीवर हल्ला; नदीकिनारी थेट जबडाच धरला; पाच मिनिटं धरून ठेवला; अंगावर येणारा VIDEO
मूळचा बछरावा येथील सेहगो गावाचा रहिवासी असलेला यश सिंह मौर्य गेल्या ५ वर्षांपासून जवाहर विहार कॉलनीतील त्याचे काका राजकुमार मौर्य यांच्या घरी शिक्षणासाठी राहत होता. तो सेंट पीटर्स शाळेत इयत्ता सातवीत शिकत होता. त्याच्या शाळेत सध्या सहामाही परीक्षा सुरू आहे. जीवशास्त्राचा पेपर सुरू असताना तो कॉपी करताना पकडला गेला. यानंतर शिक्षिकेनं यशला सर्वांसमोर मारलं, त्याला अपमानित केलं, असे आरोप यशच्या कुटुंबानं केले आहेत. मुख्याध्यापिकेवरही मारहाणीचे आरोप झाले आहेत.