subodh kumar jaiswal : सुबोध जयस्वालांनी स्वीकारली CBI संचालकपदाची सूत्रे

नवी दिल्लीः आयपीएस अधिकारी सुबोध कुमार जयस्वाल ( subodh kumar jaiswal ) यांनी आज CBI च्या संचालकपदाची ( cbi director ) सूत्रे स्वीकारली. सीबीआय संचालकपदावरील जयस्वाल यांचा कार्यकाळ २ वर्षांचा असणार आहे. सीबीआय संचालकपदी सुबोध जयस्वाल यांच्या नियुक्तीची माहिती केंद्र सरकारने मंगळवारी दिली. यानंतर जयस्वाल यांनी आज सीबीआय मुख्यालयात जाऊन पदाची सूत्रे स्वीकारली.

सीबीआय संचालकाच्या निवडीसाठी देशात उच्चस्तरीय पॅनेल आहे. या पॅनेलमध्ये पंतप्रधान मोदी, सुप्रीम कोर्टाचे सरन्यायाधीश एन. व्ही. रमन्ना आणि लोकसभेतील विरोधी पक्षातील नेते अधीर रंजन चौधरी यांच्या नावाचा समावेश आहे. सीबीआय संचालकांच्या निवडीवर सोमवारी पंतप्रधान मोदींच्या निवासस्थानी या पॅनेलची बैठक झाली. ही बैठक जवळपास दीड तास चालली. या बैठकीत स्पर्धेत असलेल्या अधिकाऱ्यांच्या नावांमध्ये सुबोध कुमार जयस्वाल यांचं नाव आघाडीवर होतं. यानंतर त्यांची नियुक्ती झाली.

कार्मिक व प्रशिक्षण मंत्रालयाने मंगळवारी एक आदेश जारी केला. मंत्रिमंडळाद्वारे नियुक्त समितीद्वारे अनुशासित पॅनलच्या आधारावर आयपीएस अधिकारी सुबोध कुमार जयस्वाल ( १९८५ बॅच महाराष्ट्र) यांची सीबीआय संचालकपदी नियुक्तीला मंजुरी देण्यात आली आहे. त्यांचा कार्यकाळ २ वर्षांचा असेल, असं मंत्रालयाने आदेशात म्हटलं.

subodh kumar jaiswal : सुबोध जयस्वाल CBI संचालक झाल्याने ठाकरे सरकारची होणार कोंडी?

Anil Deshmukh CBI Probe: 'अनिल देशमुख यांच्या घरी सीबीआयला शंभर टक्के काहीच सापडले नसेल'
सुबोध कुमार जयस्वाल हे १९८५ च्या महाराष्ट्र कॅडरचे आयपीएस अधिकारी आहेत. सीबीआय संचालकपदी नियुक्ती होण्यापूर्वी ते केंद्रीय औद्योगिक सुरक्षा दलाचे (CISF) चे महासंचालक होते. त्यांना केंद्र सरकारने प्रतिनियुक्तीवर बोलावले होते. यापूर्वी ते महाराष्ट्राचे पोलिस महासंचालक आणि मुंबईचे पोलिस आयुक्त होते. त्यांनी भारताची गुप्तचर संघटना 'रॉ'मध्येही दीर्घ काळ काम केलं आहे. एल्गार परिषद आणि कोरगाव भीमा हिंसाचाराचे प्रकरण सीबीआयकडे जाण्यापूर्वी जयस्वाल यांच्या अध्यक्षतेत या प्रकरणाचा तपास सुरू होता.

subodh kumar jaiswal : सुबोध जयस्वाल झाले CBI चे नवे संचालक, केंद्राने केली घोषणा