बडोदा : कौटुंबिक वादातून पत्नीची अतिशय निर्घृणपणे हत्या करून पतीने धावत्या रेल्वेसमोर उडी मारून रविवारी आत्महत्या केली. या घटनेत दांपत्याची दोन मुले गंभीर जखमी झाली आहेत. शबडोद्यापासून जेमतेम ४० किलोमीटरवर असलेल्या मियागाम गावातील रस्त्यावर ही घटना घडली आहे. बलवंत रायपालसिंग सिंधा असे त्याचे नाव असून, त्याने पत्नी दक्षा (३२), मुलगा अजय (१२) आणि चेतन (१०) यांच्यावर कुऱ्हाडीने हल्ला केला. आईला वाचवण्यासाठी गेलेली ही मुलेही या हल्ल्यात जखमी झाली. रुग्णालयात दाखल करण्यापूर्वीच दक्षाचा मृत्यू झाला, अशी माहिती मियागाम पोलिस ठाण्याचे उपनिरीक्षक आर. जी. देसाई यांनी दिली. दोन्ही मुलांना रुग्णालयात दाखल करण्यात आले असून, त्यांची प्रकृती अतिशय गंभीर आहे.
पत्नीची हत्या करून आत्महत्या
कौटुंबिक वादातून पत्नीची अतिशय निर्घृणपणे हत्या करून पतीने धावत्या रेल्वेसमोर उडी मारून रविवारी आत्महत्या केली...
PTI 21 Jan 2019, 4:00 am