इम्रान खान यांच्या पंतप्रधानपदाच्या शपथग्रहण समारंभासाठी उपस्थित राहणार असल्याचे जाहीर करणारे काँग्रेसचे नेते आणि पंजाबचे मंत्री नवजोतसिंग सिद्धू यांच्यावर अकाली दलाचे सुखबीरसिंग बादल यांनी जोरदार टीकास्त्र सोडलं आहे. 'सिद्धू पाकिस्तानात जावून तिथेच राहिले तर पंजाबसह देशात शांतता नांदेल', अशा शब्दात बादल यांनी सिद्धू यांना टोला लगावला आहे.
सिद्धू यांच्या आगामी पाकिस्तानभेटीवर टीका करताना बादल पुढे म्हणाले की, 'सिद्धू उद्या, परवा काय करतील सांगता यायचे नाही, तसेच ते जे काही करतील त्याचे परिणाम आणि नुकसान काय होईल हेही सांगता यायचे नाही. मला वाटतं की ते कायमचेच पाकिस्तानात राहिले तर पंजाबमध्ये आणि देशात शांतता नांदेल.'
माजी क्रिकेटपटू आणि पंजाबचे मंत्री असलेले नवजोतसिंग सिद्धू यांना इम्रान खान यांच्या शपथग्रहण सोहळ्याचे औपचारिक आमंत्रण मिळाले आहे. इम्रान खान यांनी माजी क्रिक्रेटपटू सुनील गावसकर आणि कपिल देव यांनाही आमंत्रण दिले होते. आमंत्रण मिळताच सिद्धू यांनी पंजाबचे मुख्यमंत्री कॅप्टन अमरिंदरसिंग आणि केंद्रीय गृहमंत्री राजनाथ सिंग यांच्याकडे शपथग्रहण सोहळ्यासाठी पाकिस्तानला जाण्याची आपली इच्छा बोलून दाखवली.
केंद्र सरकारशी सल्लामसलत करूनच आपण पाकिस्तानला जाण्याचा निर्णय घेऊ असे गावसकर यांनी यापूर्वीच म्हटले आहे.
सिद्धू यांच्या आगामी पाकिस्तानभेटीवर टीका करताना बादल पुढे म्हणाले की, 'सिद्धू उद्या, परवा काय करतील सांगता यायचे नाही, तसेच ते जे काही करतील त्याचे परिणाम आणि नुकसान काय होईल हेही सांगता यायचे नाही. मला वाटतं की ते कायमचेच पाकिस्तानात राहिले तर पंजाबमध्ये आणि देशात शांतता नांदेल.'
माजी क्रिकेटपटू आणि पंजाबचे मंत्री असलेले नवजोतसिंग सिद्धू यांना इम्रान खान यांच्या शपथग्रहण सोहळ्याचे औपचारिक आमंत्रण मिळाले आहे. इम्रान खान यांनी माजी क्रिक्रेटपटू सुनील गावसकर आणि कपिल देव यांनाही आमंत्रण दिले होते. आमंत्रण मिळताच सिद्धू यांनी पंजाबचे मुख्यमंत्री कॅप्टन अमरिंदरसिंग आणि केंद्रीय गृहमंत्री राजनाथ सिंग यांच्याकडे शपथग्रहण सोहळ्यासाठी पाकिस्तानला जाण्याची आपली इच्छा बोलून दाखवली.
केंद्र सरकारशी सल्लामसलत करूनच आपण पाकिस्तानला जाण्याचा निर्णय घेऊ असे गावसकर यांनी यापूर्वीच म्हटले आहे.