sukhjinder singh randhawa : सुखजिंदर सिंग रंधवा होणार पंजाबचे नवे मुख्यमंत्री, सूत्रांची माहिती

नवी दिल्लीः कॅप्टन अमरिंदर सिंग यांनी पंजाबच्या मुख्यमंत्रीपदाचा राजीनामा दिल्यानंतर आज काँग्रेसच्या विधिमंडळ पक्षांची बैठक होण्याची शक्यता आहे. ही बैठक आधी टाळण्यात आली होती. पंजाब काँग्रेसचे प्रदेशाध्यक्ष नवज्योत सिंग सिद्धू आणि अमरिंदर सिंग यांच्यात गेल्या अनेक दिवसांपासून कलह सुरू होता. यानंतर शनिवारी अमरिंदर सिंग यांनी मुख्यमंत्रीपदाचा राजीनामा दिला. सुखजिंदर सिंग रंधवा ( sukhjinder singh randhawa ) हे पंजाबचे नवे मुख्यमंत्री असतील, असं सूत्रांकडून सांगण्यात येत आहे. एएनआयने हे वृत्त दिलं आहे.

सुखजिंदर रंधवा हे पंजाबचे नवे मुख्यमंत्री असतील, असं आता सांगितलं जात आहे. रंधवा हे तीन वेळा आमदार झाले आहेत. ६२ वर्षीय रंधवा हे अमरिंदर सिंग मंत्रिमंडळात कारागृह आणि सहकार मंत्री होते. गुरदासपूरचे रहिवासी असलेले रंधवा हे पंजाब काँग्रेसचे उपाध्यक्षही राहिले आहेत. त्यांचे वडील संतोख सिंग दोन वेळा पंजाब काँग्रेसचे अध्यक्ष होते.

navjot singh sidhu : 'मला करा पंजाबचा मुख्यमंत्री', नवज्योत सिंग सिद्धूंचा थेट काँग्रेसला हायकमांडला फोन!

कॅप्टन अमरिंदर सिंग हे आमचे वरिष्ठ नेते आहेत. मी नेहमीच मला माझ्या वडिलांप्रमाणे आहेत. त्यांनी मला त्यांच्या मुला-भावासारखं वागवलं. आमच्यात मतभेद आहेत, पण त्यांनी माझ्याविरुद्ध कधीही नकारात्मक प्रतिक्रिया दिली नाही. अंतिम निर्णय हा हायकमांड घेईल, असं सुखजिंदर सिंग रंधवा म्हणाले.

ambika soni : पंजाबच्या मुख्यमंत्रीपदाची ऑफर का नाकारली? स्वतः अंबिका सोनींनी सांगितलं

पंजाब काँग्रेसचे माजी अध्यक्ष सुनिल जाखड, प्रताप सिंह बाजवा आणि माजी मुख्यमंत्री बेअंत सिंग यांचे नातू रवनीत सिंग बिट्टू हेही मुख्यमंत्रीपदाच्या शर्यतीत आहे. एक दलित शीख मुख्यमंत्री आणि दोन उपमुख्यमंत्री, हा फॉर्म्युला असल्याच्या राजकीय चर्चा सुरू आहेत. हे संकट अतिशय वाईट पद्धतीने हाताळलं जात असल्याने पक्षातील अनेक नेते नाराज असल्याचंही सूत्रांनी सांगितलं.