सुमित्रा महाजन यांच्यासह एक हजार भाजप कार्यकर्ते पोलिसांच्या ताब्यात

इंदूर : मध्य प्रदेशात राजकीय वातावरण चांगलंच तापलं आहे. सत्ताधारी काँग्रेसच्या विरोधात आंदोलन करणाऱ्या भाजपच्या एक हजार कार्यकर्त्यांसह पोलिसांनी माजी लोकसभा अध्यक्षा सुमित्रा महाजन यांनाही ताब्यात घेतलं आहे. ताब्यात घेतलेल्या भाजप नेत्यांमध्ये अनेक ज्येष्ठ नेत्यांसह खासदारांचाही समावेश आहे. मुख्यमंत्री कमलनाथ यांच्या दौऱ्यापूर्वी खबरदारीचा उपाय म्हणून ताब्यात घेणं आलं आहे. नागरिकत्व दुरुस्ती विधेयकाच्या समर्थनार्थ काढलेल्या रॅलीनंतर ही कारवाई करण्यात आली.

... म्हणून प्रिया वर्मा ट्विटरवर झाल्या ट्रेंड

भाजपने कलम १४४ चं उल्लंघन केल्याचा आरोप पोलिसांनी केला आहे. पोलिसांनी या भाजप नेत्यांना ताब्यात घेऊन जिल्हा कारागृहात नेलं आहे. यात भाजपचे मध्य प्रदेश अध्यक्ष राकेश सिंग, सुमित्रा महाजन, इंदूरचे खासदार शंकर ललवानी, आमदार आणि इंदूरच्या महापौर मालिनी सिंग यांचाही समावेश आहे.

भाजप कार्यकर्त्यांकडून बॅरिकेड्स काढण्याचे प्रयत्न केले जात होते. त्यामुळे ही अटक करण्यात आल्याचं पश्चिमचे पोलीस अधीक्षक अवधेश कुमार गोस्वामी यांनी सांगितलं. काही गोंधळ होऊ नये म्हणून एक हजार कार्यकर्त्यांना ताब्यात घेतल्याचंही ते म्हणाले.

CAAची भीती; शेकडो बांगलादेशींनी भारत सोडला

दरम्यान, मध्य प्रदेशात राजकीय राडा होण्याची ही पहिलीच वेळ नाही. नागरिकत्व दुरुस्ती कायद्याच्या समर्थनार्थ भाजपने काढलेल्या रॅलीतही असाच गोंधळ उडाला होता. शिवाय लोकसभा निवडणुकीच्या वेळी तर हायव्होल्टेज ड्रामा पाहायला मिळाला होता.