सुनंदा पुष्कर हत्या; पोलिस जाणार अमेरिकेला

नवी दिल्ली : काँग्रेस नेते शशी थरूर यांची पत्नी सुनंदा पुष्कर यांच्या गुढ हत्येचा तपास करणाऱ्या दिल्ली पोलिसांचे पथक ऑगस्टच्या अखेरीस अमेरिकेला जाण्याची शक्यता आहे. तिथे जाऊन ते वर्षभरापासून ‘एफबीआय’कडे असलेला सुनंदा यांचा व्हिसेरा नमुना ताब्यात घेतील. परराष्ट्र मंत्रालयाने जारी केलेल्या निवेदनानुसार पोलिसांचे पथक हा नमुना घेण्यासाठी अमेरिकेला जाणार असल्याचे सूत्रांनी सांगितले.

५१ वर्षीय सुनंदा १७ जानेवारी २०१४ रोजी दक्षिण दिल्लीतील एका पंचतारांकित हॉटेलमधील सूटमध्ये मृतावस्थेत आढळल्या होत्या. तत्पूर्वी पती थरूर यांच्याशी प्रेम प्रकरण असल्याच्या संशयावरून त्यांची पाकिस्तानी पत्रकार मेहर तरारशी ट्विटरवर बाचाबाची झाली होती.