सुप्रीम कोर्टाची वेबसाइट हॅक झाल्याची अफवा

नवी दिल्ली: न्यायाधीश लोया मृत्यूप्रकरणाची एसआयटी मार्फत चौकशी करण्याची याचिका सर्वोच्च न्यायालयाने फेटाळल्यानंतर काही वेळातच सर्वोच्च न्यायालयाची वेबसाइट ठप्प झाली. तांत्रिक कारणामुळे ही वेबासाइट डाउन झाली असली तरी सोशल मीडियावर मात्र ही वेबसाइट हॅक झाल्याची अफवा पसरली आहे. ही वेबसाइट हॅक करण्यामागे ब्राझिलच्या हॅकर ग्रुपचा हात असल्याचा दावाही सोशल मीडियावरून करण्यात आला आहे.

सर्वोच्च न्यायालयाची वेबसाइट उघडल्यावर 'This site can't be reached' असा मेसेज येत असल्याने नेटकऱ्यांनी ही साइट हॅक झाल्याची अफवा पसरवली आहे. या साइटवर 'साइट अंडर मेंटेनन्स' अशी अक्षरेही दिसत आहेत. त्यामुळे नेटकऱ्यांनी मीठमसाला लावून या साइटच्या हॅक होण्याच्या अफवा पसरविल्या आहेत. दरम्यान, तांत्रिक बिघाडामुळे साइट डाउन झाल्याचं सांगण्यात येतं.