supriya sule : व्हायरल डान्स व्हिडिओवरून टीका, सुप्रिया सुळेंनी दिले उत्तर

नवी दिल्लीः शिवसेनेचे नेते आणि खासदार संजय राऊत यांच्या मुलीचे सोमवारी लग्न झाले. ठाण्याचे जिल्हाधिकारी राजेश नार्वेकर यांचा मुलगा मल्हारसोबत राऊत यांची कन्या पूर्वशीचा विवाह झाला. लग्नावेळी संगीताचा कार्यक्रम आयोजित करण्यात आला होता. यावेळी राष्ट्रवादी काँग्रेसच्या खासदार सुप्रिया सुळेही उपस्थित होत्या. या संगीत कार्यक्रमात संजय राऊत आणि सुप्रिया सुळे यांच्या डान्सचा व्हिडिओ सोशल मीडियावर व्हायरल झाला. दिल्लीत संसदेचं अधिवेशन सुरू असल्याने सुप्रिया सुळे सध्या दिल्लीत आहेत.

राऊत आणि सुप्रिया सुळेंचा व्हिडिओ व्हायरल झाल्यावर काहींनी कौतुक केले. तर काहींनी टीका केली. टीकाकारांनी सुप्रिया सुळेंना लक्ष्य केलं. यावर खासदार सुप्रिया सुळे यांनी टीकाकारांना उत्तर देत सुनावलं आहे.

तो एक कौटुंबिक कार्यक्रम होता, बाहेरचं कुणीच नव्हतं. एखाद्या खासगी कार्यक्रमात आम्ही काय करतो त्यावरही पण जर कुणाला टीका करायची असेल तर त्यावर काय बोलणार? असं सुप्रिया सुळे म्हणाल्या.

shiv sena : खासदारांच्या निलंबनावरून शिवसेनेचा सरकारवर बाण; म्हणाली, '१०० वेळा ...'

काय घडलं होतं त्यावेळी?

संजय राऊत यांची कन्या पूर्वशीच्या लग्नानिमित्ताने तीन दिवसांपूर्वी संगीत कार्यक्रम आयोजित केला होता. एका हॉटेलमध्ये तो कार्यक्रम झाला. या कार्यक्रमातील संजय राऊत आणि सुप्रिया सुळे यांनी डान्स केला. या डान्स व्हिडिओ सोशल मीडियावर व्हायरल झाला. यावेळी सुप्रिया सुळेंनी आग्रह केल्यानंतर राऊत यांनी डान्स केला. सर्व कुटुंबीयही त्यावेळी उपस्थित होते.

'ही काय जमीनदारी आणि राजेशाही आहे का? बळजबरी माफी मागायला लावताहेत'